استانادا قىزمەتتىك مىندەتىن ورىنداۋ بارىسىندا قازا تاپقان فەلدشەر ۇلدانا مىرزۋانعا ارنالعان ەسكەرتكىش تاقتا ورناتىلدى، - دەپ حابارلايدى aqshamnews.kz ءتىلشىسى.
"استانادا جەدەل مەديسينالىق جاردەم ستانسياسى عيماراتىنىڭ قابىرعاسىنا قىزمەتتىك مىندەتىن ورىنداۋ بارىسىندا قازا تاپقان فەلدشەر ۇلدانا مىرزۋانعا ارنالعان ەسكەرتكىش تاقتا ورناتىلدى"، - دەپ حابارلادى ەلوردا اكىمدىگى.
ەسكەرتكىش تاقتانىڭ اشىلۋ راسىمىنە دەنساۋلىق ساقتاۋ ءمينيسترى اقمارال ءالنازاروۆا مەن ۇلدانا مىرزۋاننىڭ اناسى ءساليما يشانقۇل قىزى، تۋىستارى جانە جەدەل مەديسينالىق جاردەم ستانسياسىنىڭ قىزمەتكەرلەرى قاتىستى.
استانا قالالىق جەدەل مەديسينالىق جاردەم ستانسياسىنىڭ قىزمەتكەرلەرى ەسكەرتكىش تاقتا الدىنا گۇل شوقتارىن قويدى.
ەسكە سالايىق، 18 قاراشادا استانادا جەدەل جاردەم فەلدشەرى قايتىس بولدى. ول تۇرعىن ءۇيدىڭ قاسبەتى مەن كونديسيونەر قۇلاعان كەزدە زارداپ شەككەن. وقيعا 8 قاراشادا بولعان.
مارقۇم نەبارى 23 جاستا ەدى.