مەملەكەت باسشىسى جامبىل وبلىسىنىڭ جۇرتشىلىعىمەن كەزدەستى، - دەپ حابارلايدى aqshamnews.kz ءتىلشىسى.
"جامبىل وبلىسىنىڭ احۋالى اكىم ەربول قاراشوكەيەۆتىڭ بايانداماسىنا قاراعاندا جامان ەمەس. ءبىراق وبلىستىڭ الدىندا ماڭىزدى، وزەكتى ماقساتتار تۇر. بۇل ماقساتتاردى تولىعىمەن ورىنداۋ – اكىمنىڭ جانە بۇكىل قىزمەتشىلەردىڭ ەڭ نەگىزگى مىندەتى.
وبلىستىڭ ەكونوميكاسىن كۇشەيتۋ كەرەك. وعان قاجەتتى جاعداي دا، مۇمكىندىك تە بار. بەلسەندى جۇمىس باستالدى. جۇمىستىڭ قارقىنىن باسەڭدەتۋگە بولمايدى.
تاراز – ۇلتىمىزدىڭ اسقاق رۋحى، باي مادەنيەتى، ەلدىك مۇراتى جانە ەرلىك ءداستۇرى توعىسقان قالا. بۇل – ەجەلگى وركەنيەتتىڭ ءىزى قالعان جەر. شەجىرەلى شاھاردىڭ جۇرتىمىز ءۇشىن ورنى ەرەكشە.
ءبىز تارازدىڭ ەكى مىڭ جىلدىق تاريحىن ماقتان ەتەمىز. اۋليەاتا جەرىندە مەملەكەتتىگىمىزدىڭ تۇعىرىن نىعايتقان تالاي تاريحي وقيعالار بولدى. قازاق حاندىعى وسى ايماقتا قۇرىلعان. كونە قالا توعىز جولدىڭ تورابىندا تۇر.
ەجەلگى ۇلى جىبەك جولى قارت قاراتاۋدىڭ ەتەگىن باسىپ وتكەن. ايگىلى كەرۋەن جولى جاڭا زاماندا جاڭا قارقىنمەن دامىپ كەلەدى. "باتىس ەۋروپا – باتىس جۇڭگو" كولىك ءدالىزى جامبىل جەرى ارقىلى ءوتىپ جاتىر. سونىڭ ارقاسىندا ايماقتىڭ ستراتەگيالىق ماڭىزى ارتىپ جاتىر. جامبىل وبلىسى كۇن وتكەن سايىن وركەندەپ كەلەدى".