الماتى پوليسەيلەرى 38 قىلمىسكەردى ۇستادى.
جەرگىلىكتى پوليسيا قىزمەتىنىڭ مالىمەتىنشە، “قۇقىقتىق ءتارتىپ” جەدەل الدىن الۋ ءىس-شاراسىنىڭ 10 كۇنىندە “ءىزىن سۋىتپاي” 316 قىلمىستىڭ، سونداي-اق بۇرىن جاسالعان 144 قىلمىستىڭ بەتى اشىلدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«ءىس-شارا كەزەڭىندە قۇقىق بۇزۋشىلىققا مۇلدەم توزبەۋشىلىك قاعيداتىن كۇشەيتۋگە، كوشەلەردە جانە باسقا دا قوعامدىق ورىنداردا ءتيىستى قوعامدىق ءتارتىپتى ساقتاۋعا، بۇزاقىلىق، مۇلىكتىك زالال، ۇساق بۇزاقىلىق، جول قوزعالىسى قاۋىپسىزدىگىن قامتاماسىز ەتۋ، سونداي-اق تۇرمىستىق زورلىق-زومبىلىق، ونىڭ ىشىندە كامەلەتكە تولماعاندارعا قاتىستى قۇقىق بۇزۋشىلىق دەرەكتەرىنىڭ الدىن الۋ، انىقتاۋ جانە جولىن كەسۋگە باسا نازار اۋدارىلدى»، – دەدى الماتى قالالىق پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى دياس دۋانبەكوۆ.
ءىس-شارا باستالعالى پوليسيا بولىمشەلەرى زاڭسىز اينالىمنان 10 اتىس قارۋى مەن 4 سۋىق قارۋدى تاركىلەدى. 14716 اكىمشىلىك قۇقىق بۇزۋشىلىق انىقتالىپ، جولى كەسىلدى، ونىڭ 210-ى وتباسى-تۇرمىستىق قاتىناستار سالاسىنا قاتىستى بولعان. سونداي-اق 2 مىڭعا جۋىق قوعامدىق ورىنداردى لاستاۋ، 500-دەن استام تىنىشتىقتى بۇزۋ، 1،5 مىڭنان استام قوعامدىق ورىنداردا الكوگولدىك ىشىمدىكتەردى ءىشۋ، 900-گە جۋىق قوعامدىق ورىنداردا تەمەكى شەگۋ دەرەكتەرىنىڭ جولى كەسىلدى.