«قورعاۋ - ءقاۋىپتى جۇرگىزۋشى» جۇيەسى ارقىلى اليمەنت بويىنشا بورىشكەرلەر انىقتالدى
جەرگىلىكتى پوليسيا قىزمەتىنىڭ ىزدەستىرۋ بولىمشەسى حابارلاعانداي، الماتى وبلىسى، قاراساي اۋداندىق سوتىنىڭ شەشىمىمەن Lada اۆتوكولىگىنىڭ جۇرگىزۋشىسىنىڭ جۇرگىزۋشى كۋالىگى ونىڭ ءۇش ميلليون تەڭگە كولەمىندەگى اليمەنت بويىنشا بەرەشەگى بولۋىنا بايلانىستى ۋاقىتشا توقتاتىلدى.
«الايدا قۇقىق بۇزۋشى سوت شەشىمىن ەلەمەي، كولىكتى باسقارۋدى جالعاستىرعان. ونىڭ كولىگى “قورعاۋ – ءقاۋىپتى جۇرگىزۋشى” اۆتوماتتاندىرىلعان جۇيەسى ارقىلى جالپى كولىك اعىنىندا انىقتالدى. پوليسيا Lada كولىگىن مامانداندىرىلعان ايىپپۇل تۇراعىنا قويعان. جۇرگىزۋشىگە قاتىستى ق ر اقبتك-نىڭ 612-بابى 2-بولىگى (قۇجاتتارى جوق جانە باسقارۋ قۇقىعى جوق ادامنىڭ كولiك قۇرالىن باسقارۋى) بويىنشا حاتتاما تولتىرىلدى»، – دەدى الماتى قالالىق پد جەرگىلىكتى پوليسيا قىزمەتى باسقارماسى باستىعىنىڭ ورىنباسارى سەرىك شۋمايەۆ.
سونداي-اق پوليسيادا “قۇقىقتىق ءتارتىپ” ءىس-شاراسىنىڭ 10 كۇنىنىڭ ىشىندە الماتى جولدارىندا كولىك جۇرگىزۋگە قۇقىعى جوق 197 جۇرگىزۋشى ۇستالعانىن حابارلادى