تەرروريزمدى ناسيحاتتاعانى جانە باسقا دا قىلمىستارى ءۇشىن قاماۋعا الىنعان ەكى ق ر ازاماتىنا قاتىستى سوت پروسەستەرى اياقتالدى، دەپ حابارلايدى aqshamnews.kz.
ولاردى بۇعان دەيىن ۇقك ۇستاعان بولاتىن.
ۇقك باسپا ءسوز قىزمەتىنىڭ مالىمەتىنشە، سولاردىڭ ءبىرى – تاراز تۇرعىنى، اينالاسىنداعىلاردى شەتەلدەگى لاڭكەستەر قاتارىندا سوعىس ارەكەتتەرىنە قاتىسۋعا شاقىرىپ، سونىمەن قاتار ءوزى دە ولارعا قوسىلۋدى جوسپارلاعان.
تاراز قالالىق سوتىنىڭ شەشىمىمەن ول تەرروريزمدى ناسيحاتتاعانى (قك-نىڭ 256-بابى)، ءدىني ارازدىقتى قوزدىرعانى ءۇشىن (قك-نىڭ 174-بابى) كىنالى دەپ تانىلىپ، 7 جىلعا باس بوستاندىعىنان ايىرىلدى.
تاعى بىرەۋى – الماتى تۇرعىنى، جالپى قىلمىستار ءۇشىن بىرنەشە رەت سوتتى بولعان، عالامتور جەلىسىندە راديكالدى يدەولوگيانى ناسيحاتتاعان.
الماتى قالالىق سوتىنىڭ شەشىمىمەن ول تەرروريزمدى ناسيحاتتاعانى (قك-نىڭ 256-بابى)، ەسىرتكىنى زاڭسىز پايدالانعانى ءۇشىن (قك-نىڭ 296-بابى) كىنالى دەپ تانىلىپ، 7 جىل 1 ايعا باس بوستاندىعىنان ايىرىلدى.
جالپى، 2024 جىل باسىنان تەرروريستىك جانە ەكسترەميستىك ارەكەتتەرى ءۇشىن 84 ادام سوتتالعان.