پوليسيا قىزمەتكەرلەرى قۇقىق بۇزۋشىنى “قورعاۋ – ءقاۋىپتى جۇرگىزۋشى” اۆتوماتتاندىرىلعان جۇيەسى ارقىلى انىقتادى.
الماتىدا ءقاۋىپتى جۇرگىزۋشىلەردى انىقتاۋ جالعاسۋدا، دەپ حابارلايدى Almaty-akshamy.kz.
Polisia.kz مالىمەتى بويىنشا، پاترۋلدىك قىزمەتكەرلەر جول قوزعالىسى ەرەجەسىن بۇزعانى ءۇشىن 340 مىڭ تەڭگە كولەمىندە ايىپپۇل تولەۋدەن جالتارعان Hyundai كولىكتىڭ يەسىن انىقتادى. كوپ جاعدايدا جۇرگىزۋشى جىلدامدىقتى بۇزعان. قۇقىق بۇزۋشىنىڭ كولىگى مامانداندىرىلعان ايىپپۇل تۇراعىنا قويىلدى.
«بۇعان دەيىن حابارلاعانىمىزداي، الماتى پوليسياسى مەملەكەتتىك جالعان نومىرلەردى پايدالاناتىن، كولىكتەرگە ارنايى بەلگى بەرۋ قۇرىلعىلارىن ورناتقان، كولىكتى ماس كۇيىندە باسقارعان جانە تولەنبەگەن ايىپپۇلدارى بار كولىك جۇرگىزۋشىلەرىن انىقتاۋ جانە جاۋاپكەرشىلىككە تارتۋ بويىنشا ماقساتتى جۇمىستار جۇرگىزىپ جاتىر. جىل باسىنان بەرى “قورعاۋ – ءقاۋىپتى جۇرگىزۋشى” كەشەنى قالا جولدارىندا 4123 قۇقىق بۇزۋشىلىقتى انىقتادى»، – دەدى الماتى قالاسى پد جپقب باستىعى ەرجان ۇزابايەۆ.
ءتارتىپ ساقشىلارى ازاماتتارعا اكىمشىلىك ايىپپۇلداردى ۋاقىتىلى تولەۋگە جانە جول قاۋىپسىزدىگى ەرەجەسىن قاتاڭ ساقتاۋعا شاقىرادى.