الماتى اكىمى ەربولات دوسايەۆتىڭ قالا تۇرعىندارىمەن كەزەكتى كەزدەسۋى اۋەزوۆ اۋدانىندا ءوتتى. قالا باسشىسى اۋداننىڭ دامۋى جانە تۇرعىنداردان تۇسكەن ۇسىنىستار بويىنشا اتقارىلعان جۇمىستار تۋرالى ايتىپ بەردى. كەزدەسۋگە 150-دەن استام ادام كەلدى، دەپ حابارلايدى almaty-akshamy.kz
ەربولات دوسايەۆ اعىمداعى جىلدىڭ ءساۋىر ايىنان باستاپ ورتالىقسىزداندىرۋدىڭ ارقاسىندا اۋەزوۆ اۋدانىنىڭ بيۋدجەتى ەكى ەسەدەن استام ءوسىپ، 23،4 ملرد تەڭگەگە جەتكەنىن ەسكە سالدى. بەرىلگەن 15 فۋنكسيانىڭ ءبىرى – جولداردى اعىمداعى جوندەۋ. بيىل اۋداندا جالپى اۋدانى 23 مىڭ م² 250 ملن تەڭگە بولاتىن جۇمىستار جوسپارلانعان.
ورتاشا جوندەۋ جالپى ۇزىندىعى 12،8 كم بولاتىن 14 كوشەدە جۇرگىزىلەدى. جۇمىس مامىر ايىندا باستالىپ، قاراشا ايىندا اياقتالادى.
اۋدانداعى جول ينفراقۇرىلىمى ماسەلەلەرى وزەكتى بولىپ قالا بەرەدى. كولىك جۇكتەمەسىن ازايتۋعا جۇبانوۆ كوشەسىن - مومىش ۇلى كوشەسىنەن قالا شەكاراسىنا دەيىن ۇزارتۋ ىقپال ەتەدى. ۇزارتۋعا ارنالعان مەملەكەتتىك ساراپتامانىڭ وڭ قورىتىندىسى الىندى.
ينجەنەرلىك كوممۋنيكاسيالارمەن بايلانىستى پروبلەمالار اۋدان تۇرعىندارىن دا الاڭداتادى. سوڭعى ساتىدا تۇرعان جوبالاۋ كەزەڭى جانە كونكۋرستىق راسىمدەر اياقتالعاننان كەيىن اۋداننىڭ ەڭ پروبلەمالى 4 ۋچاسكەسىندە سۋمەن جابدىقتاۋ جانە كارىز جەلىلەرىن سالۋ جانە جاڭعىرتۋ باستالادى. بۇل - دوستىق، مامىر-4 شاعىن اۋداندارى، ساين – شالياپين – جاندوسوۆ كوشەلەرى، قارعالى وزەنىنىڭ جاعالاۋى، سونداي-اق ارىچنايا، ىكىلاس، زاپادنايا كوشەلەرىنىڭ ۋچاسكەسى. وسى جوبالاردى ىسكە اسىرۋ 11 مىڭنان استام ابونەنتتى ساپالى سۋمەن جانە كارىزبەن قامتاماسىز ەتۋگە مۇمكىندىك بەرەدى.
الماتى اكىمىنىڭ تاپسىرماسى بويىنشا وتكەن جىلى اۋلا اۋماقتارىن جوندەۋ جانە اباتتاندىرۋ جۇمىستارى باستالدى (اۋداندا بارلىعى 966 اۋلا بار). اعىمداعى جىلى 161 اۋلانى جاڭعىرتۋ جوسپارلانعان، جۇمىستار قاراشا ايىندا اياقتالادى.
ناۋرىز ايىندا اۋەزوۆ اۋدانىنىڭ ماگيسترالدىق كوشەلەرىندەگى (اباي داڭعىلى مەن مومىش ۇلى كوشەسى بويىنداعى) ۇنەمى سۋ باسىپ قالاتىن 7 پروبلەمالىق ۋچاسكەسىنىڭ سوڭعى 2ء-ى جويىلدى.
دامىعان الەۋمەتتىك ينفراقۇرىلىم ماسەلەلەرى قالانىڭ تۇراقتى نازارىندا. وقۋشى ورىندارىنىڭ تاپشىلىعىن ازايتۋ ءۇشىن بۇرىنعى «بەلكاميت» زاۋىتىنىڭ اۋماعىندا 900 ورىندىق مەكتەپ سالۋ جوسپارلانعان. 2 مەكتەپتە سەيسميكالىق كۇشەيتۋمەن كۇردەلى جوندەۋ اياقتالدى. جاڭا وقۋ جىلى باستالعانعا دەيىن تاعى 2 مەكتەپتە وسىنداي جۇمىستار اياقتالاتىن بولادى.
مەديسينالىق قىزمەت كورسەتۋدىڭ قادامدىق قولجەتىمدىلىگىن قامتاماسىز ەتۋ ءۇشىن «مامىر-1» شاعىناۋدانىندا ءبىر اۋىسىمدا 200 ادام قابىلدايتىن وتباسىلىق-دارىگەرلىك امبۋلاتوريانىڭ قۇرىلىسى اياقتالۋدا. «قۋانىش» شاعىناۋدانىندا ءبىر اۋىسىمدا 300 ادام قابىلدايتىن ەمحانانىڭ جاڭا نەگىزگى عيماراتىن سالۋ ءۇشىن جەر ۋچاسكەسىن ساتىپ الۋ بويىنشا جۇمىس جالعاسۋدا.
اۋداندا قوعامدىق قاۋىپسىزدىك ماسەلەلەرى بەلسەندى تۇردە شەشىلۋدە. كوشەلەردەگى «سەرگەك» كەشەندەرىمەن جالپى قامتۋ 149 بىرلىككە دەيىن جەتكىزىلەدى. سونىمەن قاتار، اۋداندا ادامدار كوپ جينالاتىن ورىنداردا قوسىمشا 700-گە جۋىق كامەرا ورناتۋ جوسپارلانۋدا.
اكىممەن وتكەن تۇراقتى كەزدەسۋلەر بارىسىندا تۇرعىندار جايلى قالالىق ورتانى دامىتۋ جونىندە تىلەكتەرىن ءبىلدىردى. اقساي-2 شاعىناۋدانىنداعى اباتتاندىرىلعان ساياباق سياقتى اقساي-4 شاعىناۋدانىنداعى سكۆەردى مودەرنيزاسيالاۋ جوسپارلانۋدا. شالوۆ بۋلۆارىندا ۇزىندىعى 660 مەتر، اۋدانى – 3،7 گا زاماناۋي جاياۋ جۇرگىنشىلەر ايماعىن قۇرۋدىڭ جسق ازىرلەندى. جۇمىس شىلدە ايىندا باستالىپ، جىل سوڭىنا دەيىن اياقتالادى.
قالا اكىمىنىڭ تاپسىرماسى بويىنشا اقپان ايىنان باستاپ «سايران» كولىنىڭ ءتۇبىن شوگىندىلەردەن مەحانيكالىق تازارتۋ جۇمىستارى جۇرگىزىلۋدە. جۇمىس مامىر ايىنىڭ سوڭىنا دەيىن اياقتالادى. كولدىڭ ءتۇبىن تازالاعاننان كەيىن ونىڭ جاعالاۋىن رەكونسترۋكسيالاۋ اباتتاندىرۋ جوسپارلانۋدا. ءتيىستى قۇجاتتاما بويىنشا مەملەكەتتىك ساراپتامانىڭ قورىتىندىسى ءساۋىر ايىندا قولعا تيەدى دەپ كۇتىلۋدە.
«حالىق قاتىساتىن بيۋدجەت» باعدارلاماسى اياسىندا 2023 جىلى اۋدان تۇرعىندارىنىڭ وتىنىمدەرى بويىنشا 875 ملن تەڭگەگە 16 جوبانى ىسكە اسىرۋ جوسپارلانۋدا.