الماتىدا ءىرى ەسىرتكى زەرتحاناسى جويىلدى

ەسىرتكى زەرتحاناسى اۋەزوۆ اۋدانىنىڭ جەكە سەكتورىندا ورنالاسقان.

كەشە كەشكە كريمينالدىق پوليسيا جانە ەسىرتكى قىلمىسىنا قارسى كۇرەس باسقارماسىنىڭ قىزمەتكەرلەرى ارنايى ءىس-شارا جۇرگىزدى، دەپ حابارلايدى aqshamnews.kz Polisia.kz-كە سىلتەمە جاساپ. 

– ناتيجەسىندە قىلمىستىق ىس-ارەكەتتى ۇيىمداستىرعان 36 جاستاعى ەر ادام ۇستالدى. اتاپ ايتقاندا، جىلىجاي قىزمەتىن اتقارعان ۇيدەن 270 ءتۇپ قاراسورا، 3 بوشكە ءيىسى بار سۇيىقتىق، 3 قاپ تىڭايتقىش، 17 قىشقىل ەرىتىندىسى، تاماق تارازىسى، 23 جارىقتاندىرۋ شامى جانە ت.ب. زەرتحانالىق قۇرال-جابدىقتار تابىلدى. “تەحنولوگ” قىلمىستىق ارەكەتىن مويىندادى. اتالعان دەرەك بويىنشا اۋەزوۆ اۋداندىق پوليسيا باسقارماسىنىڭ قىزمەتكەرلەرى سوتقا دەيىنگى تەرگەۋ امالدارىن باستادى، – دەدى الماتى قالالىق پد كريمينالدىق پوليسيا باسقارماسىنىڭ باستىعى تالانت يسايەۆ. 

سپيكەردىڭ ايتۋىنشا، زاتتاي ايعاقتار تاركىلەنىپ، قىلمىستىق ءىس ماتەريالدارىنا قوسىلدى. سونىمەن قاتار ەسىرتكىنى وندىرۋگە قاتىسى بولۋى مۇمكىن باسقا دا ادامداردى، سونداي-اق سۋسىندى تاراتۋ ارناسىن انىقتاۋ بويىنشا جەدەل ءىس-شارالار جۇرگىزىلۋدە. ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.