الماتىدا پەداگوگيكالىق ەڭبەك ارداگەرلەرى شاحيماردان ءابىلوۆتىڭ ورىنداۋىنداعى مونووپەرانى تاماشالادى
الماتىدا قازاقستاننىڭ حالىق ءارتىسى شاحيماردان ءابىلوۆ ەڭبەك سىڭىرگەن پەداگوگ-ارداگەرلەرگە ارنالعان شىعارماشىلىق كەشتە ونەر كورسەتتى، دەپ حابارلايدى aqshamnews.kz
الماتىدا اباي اتىنداعى قازاق ۇلتتىق وپەرا جانە بالەت تەاترىنىڭ ساحناسىندا حالىق ءارتىسى، قازاقستاننىڭ ەڭبەك سىڭىرگەن قايراتكەرى، قازاقستان رەسپۋبليكاسى مەملەكەتتىك سىيلىعىنىڭ لاۋرەاتى، پروفەسسور شاحيماردان ءابىلوۆتىڭ شىعارماشىلىق كەشى ءوتتى. مۇعالىمدەر كۇنىنە ورايلاستىرىلعان ءىس-شارانى الماتى قالاسىنىڭ اكىمدىگى ۇيىمداستىردى.
شاحيماردان ءابىلوۆ جوعارى ونەر سۇيەر قاۋىمدى «تولىق ادام، وي تولعاۋ، حاكىم اباي» مونووپەراسىن ورىنداپ، ءتانتى ەتتى. تانىمال ورىنداۋشىنى تىڭداۋعا ەڭبەك سىڭىرگەن پەداگوگيكالىق ەڭبەك ارداگەرلەرى مەن كورنەكى ارتىستەر كەلدى.
«تولىق ادام، وي تولعاۋ، ءحاقىم اباي» مونووپەراسى - اباي قۇنانبايەۆتىڭ ماڭگىلىك ولەڭدەرى مەن فيلوسوفيالىق ەڭبەكتەرىنە نەگىزدەلگەن تەرەڭ ءارى جاندى مۋزىكالىق شىعارما. مونووپەرانىڭ ءاربىر ءنومىرى - ابايدىڭ فيلوسوفيالىق مۇراسىنداعى جەكە تاراۋ، وندا مۋزىكا مەن داۋىس ارقىلى ادامنىڭ الەمدەگى ورنى، ءبىلىمنىڭ، دانالىقتىڭ جانە رۋحاني تازالىقتىڭ ماڭىزدىلىعى تۋرال سىر شەترىلەدى.
«مەن ءوز شىعارماشىلىعىمدى وسكەلەڭ ۇرپاققا ارنايمىن، ويتكەنى ولار - ءبىزدىڭ بولاشاعىمىز. ەگەر بالالار ۇلى ابايدىڭ شىعارماشىلىعىن شىنىمەن ءتۇسىنىپ، سۇيسە، ءوزىمدى باقىتتى سەزىنەمىن»، - دەدى شاحيماردان ءابىلوۆ.
ءارتىستىڭ شىعارماشىلىعى قازاقستاننان تىس جەرلەردە دە بەلگىلى. ول پاريجدەگى پلەيەل زالى، ۆينچەنسو، بەرلين، تەل-اۆيۆ، چايكوۆسكيي اتىنداعى ماسكەۋ كونسەرۆاتورياسىنىڭ كىشى زالى سياقتى الەمدەگى ەڭ بەدەلدى ساحنالاردا ونەر كورسەتتى. ونىڭ لوندونداعى Barbican كونسەرت زالىندا كورولدىك كامەرالىق وركەسترمەن ونەر كورسەتۋى كەڭىنەن تانىمال بولدى.