اعىلشىن ءتىلىن مەڭگەرۋ رەيتينگىندە 2023 جىلى قازاقستان 113 ەلدىڭ اراسىندا 104-ورىنعا يە بولدى. ق ر كورسەتكىشى 415 بالل. وسىنداي بالل العان ەلدەردە اعىلشىن ءتىلىن مەڭگەرۋ وتە تومەن دەپ سانالادى. تمد ەلدەرىنىڭ ىشىندە تاجىكستاندا عانا جاعداي بىزدىكىنەن ناشار.
اعىلشىن ءتىلىن ەڭ جاقسى بىلەتىن ەلدەر نيدەرلاند، سينگاپۋر جانە اۋستريا، ال ەڭ ناشار كونگو دەموكراتيالىق رەسپۋبليكاسى.
رەيتينگكە قاتىسقان تمد ەلدەرىنىڭ اراسىنان بەلارۋس، مولدوۆا، رەسەي، ۋكراينا* جانە ارمەنيا اعىلشىن ءتىلىن ورتاشا دەڭگەيدە مەڭگەرسە، ءازىربايجان مەن قىرعىزستان تومەن دەڭگەيدە، وزبەكستان مەن تاجىكستان، سونداي-اق قازاقستان رەسپۋبليكاسى، وتە تومەن دارەجەدە.
رەيتينگ مالىمەتىنە سايكەس، قازاقستاننىڭ بارلىق وڭىرلەرى اراسىندا اعىلشىن ءتىلىن ەڭ جاقسى مەڭگەرگەن ءوڭىر پاۆلودار وبلىسى: وبلىستا 476 بالل. ەڭ ناشار كورسەتكىش تۇركىستان وبلىسىندا تىركەلدى: نەبارى 335 بالل. ەلىمىزدىڭ ءىرى قالالارى اراسىنان استانا — 485، اقتوبە — 450، الماتى — 438، اقتاۋ — 413، تاراز — 352، شىمكەنت — 347، قاراعاندى — 343، قىزىلوردا — 337 بالل الدى.
* ۋكراينا ءبىرقاتار سەبەپتەرگە بايلانىستى تمد-دا داۋلى مارتەبەگە يە.
ق ر سجرا ۇلتتىق ستاتيستيكا بيۋروسىنىڭ (ۇسب) مالىمەتىنشە، بيىل قاراشانىڭ سوڭىندا قازاقستاندا شەت ءتىلى كۋرستارى ءبىر جىلدا 11،8% قىمباتتادى.
وڭىرلەر بويىنشا ەڭ كوپ جەتىسۋ وڭىرىندە قىمباتتادى: بىردەن 60%. ودان كەيىن الماتى قالاسى (25،9%)، قاراعاندى (20،1%)، قوستاناي (17،4%) جانە اتىراۋ (16،1%) وبلىستارى.
شەت ءتىلى كۋرستارى ەڭ از قىمباتتاعان ءوڭىر قىزىلوردا وبلىسى: 1،6%. ءۇش وڭىردە — استانا، شىمكەنت جانە الماتى وبلىسىندا باعا وتكەن جىلدىڭ قاراشا ايىنداعى دەڭگەيدە قالدى.بيىل ءۇشىنشى توقساندا قر-دا ءتىل كۋرستارىن قامتيتىن قوسىمشا ءبىلىم بەرۋ قىزمەتى كولەمى 10،3 ملرد تەڭگەنى قۇرادى، بۇل بىلتىرعىدان 5،2% كوپ.
وڭىرلەر بويىنشا مۇنداي قىزمەت ەڭ كوپ سانى الماتى قالاسىندا كورسەتىلگەن: 3،4 ملرد تەڭگە، جىلدىق ءوسىم 22،6%. ودان كەيىنگى ورىندا استانا (3،4 ملرد تەڭگە، 20،2% ازايعان) جانە اتىراۋ وبلىسى (1،4 ملرد تەڭگە، 45،2% كوبەيگەن). قوسىمشا ءبىلىم بەرۋ قىزمەتى ەڭ از جەتىسۋ وبلىسىندا كورسەتىلدى: 19،5 ملن تەڭگە — بىلتىرعىدان 10% از. شىعىس قازاقستان وبلىسىندا بۇل سالادا قىزمەت كورسەتىلمەگەن.
سالاداعى جەكە كومپانيالاردىڭ قىزمەتى 6،1 ملرد تەڭگەنى، مەملەكەتتىك كاسىپورىنداردىڭ قىزمەتى 3،9 ملرد تەڭگەنى، شەتەلدىك كومپانيالاردىڭ قىزمەتى 236،3 ملن تەڭگەنى قۇرادى. شاعىن كاسىپورىندار 7،9 ملرد تەڭگەنىڭ، ورتا كاسىپكەرلىك 2 ملرد تەڭگەنىڭ، ءىرى كاسىپورىندار 353،9 ملن تەڭگەنىڭ قىزمەتتىن كورسەتتى.
