الماتى قالاسىندا جاستار ساياساتى باسقارماسىنىڭ قولداۋىمەن جانە «جاۋحار» ۇلتتىق ءسالت-داستۇردى قولداۋ قورىنىڭ ۇيىمداستىرۋىمەن مەملەكەتتىك رامىزدەر كۇنىنە وراي «IQ-ALA JASTARY» قالالىق زياتكەرلىك ويىنىنىڭ فينالدىق كەزەڭى ءوتتى، دەپ حابارلايدى aqshamnews.kz
جوبانىڭ ماقساتى – جاستاردىڭ بىلىمگە دەگەن قۇشتارلىعىن ارتتىرۋ، سىني جانە لوگيكالىق ويلاۋ قابىلەتتەرىن دامىتۋ، شىعارماشىلىق الەۋەتىن شىڭداۋ، سونداي-اق ۇلتتىق قۇندىلىقتاردى ناسيحاتتاۋ. بيىل جوباعا قالا بويىنشا 1000-نان استام جاس قاتىسقان.
زياتكەرلىك ويىن ءتورت نەگىزگى ليگا بويىنشا ۇيىمداستىرىلدى:
1. ستۋدەنتتىك ليگا – جوعارى وقۋ ورىندارى مەن كوللەدج ستۋدەنتتەرى اراسىندا؛
2. بەلسەندى جاستار ليگاسى – كوميۋنيتي ورتالىقتارىنىڭ رەزيدەنتتەرى، جاستار ومبۋدسمەندەرى، ۇكىمەتتىك ەمەس ۇيىم وكىلدەرى مەن شىعارماشىل جاستار اراسىندا؛
3. جۇمىسشى جاستار ليگاسى – ءارتۇرلى سالادا ەڭبەك ەتەتىن جاستار اراسىندا؛
4. جاستار ليگاسى – ءارتۇرلى الەۋمەتتىك توپتاعى جاستار اراسىندا.
ءار ليگادا ۇزدىك اتانعان كوماندالار فينالدىق كەزەڭگە جولداما الىپ، بارلىعى 19 كوماندا ءبىلىم، لوگيكا جانە تاپقىرلىق بويىنشا ءوزارا ب ا ق سىناستى.
«IQ-ALA JASTARY» جوباسىنىڭ بيىلعى جۇلدە قورى 1 000 000 تەڭگەنى قۇرادى.
تارتىسقا تولى فينال ناتيجەسىندە جەڭىمپازدار كەلەسىدەي انىقتالدى:
· I ورىن – «A-team» كومانداسى (500 000 تەڭگە)؛
· II ورىن – «اققۋ، شورتان ءھام شايان» كومانداسى (300 000 تەڭگە)؛
· III ورىن – «دوستار» كومانداسى (200 000 تەڭگە).
«كوماندامىز بىرنەشە جىلدان بەرى بىرگە ويناپ كەلەدى. الماتىداعى ءتۇرلى ينتەللەكتۋالدى جارىستارعا قاتىسقان تاجىريبەمىز بار. كەي سۇراقتار، اسىرەسە تاريحي تاستارعا قاتىستى، كۇردەلى بولدى. ءبىراق ءادىل ءارى تارتىستى وتكەن ويىننىڭ رۋحى ەرەكشە اسەر قالدىردى»، – دەدى «اققۋ، شورتان ءھام شايان» كومانداسىنىڭ مۇشەسى شۇعىلا بۇرلىبايەۆا.
«IQ-ALA JASTARY» زياتكەرلىك جوباسى جاستار اراسىندا ۇلكەن قىزىعۋشىلىق پەن قولداۋ تاپتى. ۇيىمداستىرۋشىلار جوبانى الداعى جىلدارى ءداستۇرلى تۇردە وتكىزىپ تۇرۋدى جوسپارلاپ وتىر. بيىلعى قاتىسۋشىلار سانى مەن جاستاردىڭ بەلسەندىلىگى بۇل جوبانىڭ وزەكتىلىگىن جانە جاستاردىڭ زياتكەرلىك دامۋعا دەگەن جوعارى ىنتاسىن ايقىن كورسەتتى.
سونىمەن قاتار، جوبا اياسىندا جاستاردىڭ بوس ۋاقىتىن ءتيىمدى ۇيىمداستىرۋ ماقساتىندا تيمبيلدينگتەر، سەمينارلار جانە باسقا دا مازمۇندى ءىس-شارالار وتكىزىلدى. بۇل باعدارلاما قاتىسۋشىلاردىڭ جەكە جانە كوماندالىق الەۋەتىن دامىتۋعا باعىتتالدى.