2023 جىلى الماتىداعى نەگىزگى كاپيتالعا سالىنعان ينۆەستيسيالار 2022 جىلمەن سالىستىرعاندا 25،3% وسىممەن 1 800،7 ملرد. تەڭگەنى قۇرادى. جەكە ينۆەستيسيالاردىڭ ءوسۋى 35،5% - عا دەيىن جەدەلدەدى، دەپ حابارلايىد almaty-akshamy.kz
IT-سەكتوردى (ءوسىم 5،9 ەسە)، دەنساۋلىق ساقتاۋدى (2،8 ەسە)، عىلىمي جانە تەحنيكالىق قىزمەتتى (89،7% - عا)، ءتۋريزمدى (44،7% - عا) جانە وڭدەۋشى ونەركاسىپتى (31،6% - عا) دامىتۋعا باسا نازار اۋدارا وتىرىپ، ينۆەستيسيالار قۇرىلىمىنىڭ ساپالى وزگەرۋى بايقالادى.
قالا اۋداندارى بولىنىسىندە ينۆەستيسيالاردىڭ ەڭ كوپ كولەمى بوستاندىق (384،9 ملرد. تەڭگە، ناقتى كولەم يندەكسى (نكي) - 101،1%)، مەدەۋ (334،7 ملرد. تەڭگە، نكي - 128،8%)، المالى (331 ملرد. تەڭگە، نكي - 213،4%)، تۇركسىب اۋداندارىنا (202،2 ملرد. تەڭگە، نكي - 104،7%).
2023 جىلدىڭ 9 ايىندا 6 048،4 ملن. اقش دوللارى كولەمىندە تىكەلەي شەتەلدىك ينۆەستيسيالار تارتىلدى (ق ر ۇلەسى – 30،8%). 2023 جىلى الماتىدا 7 مىڭنان استام جۇمىس ورنى اشىلدى، 255،6 ملرد. تەڭگە سوماسىنا 24 ينۆەستيسيالىق جوبا ىسكە اسىرىلدى.