الماتى مەتروپوليتەنى شتاتتىق رەجيمدە جۇمىس ىستەپ تۇر، دەپ حابارلايدى almaty-akshamy.kz "الماتى مەتروپوليتەنى" كمك-سىنە سىلتەمە جاساپ.
26 قاڭتار تاڭعى ۋاقىتتا رايىمبەك بەكەتىندە اقپاراتتىق بايلانىس جەلىسىنىڭ جۇمىسىندا اقاۋ تابىلۋىنا بايلانىستى مەترو پويىزدارى قولمەن باسقارۋ رەجيمىنە اۋىستىرىلدى. وسى ورايدا بارلىق بەكەتتەردە پويىزداردىڭ ءجۇرىس ينتەرۆالى ۋاقىتشا ۇزاردى. بۇل مەتروداعى ءجۇرۋ قاۋىپسىزدىگىنە ەش اسەر ەتكەن جوق.
ماماندار جۇمىس جاساپ، كوپ ۇزاماي ۇيرەنشىكتى ينتەرۆال قايتا قالپىنا كەلتىرىلدى. كەلتىرىلگەن قولايسىزدىقتار ءۇشىن كەشىرىم وتىنەمىز.