قازاقستان رەسپۋبليكاسى توتەنشە جاعدايلار مينيسترلىگى سۋ ايدىندارىنىڭ جانىندا جىلى ماۋسىم مەن بەلسەندى دەمالىس قارساڭىندا ازاماتتارعا سۋداعى قاۋىپسىزدىك شارالارىن ساقتاۋ قاجەتتىگىن ەسكە سالادى.
كوكتەمگى-جازعى كەزەڭنىڭ باستالۋىمەن سۋ قويمالارىندا دەمالۋشىلار سانى ەداۋىر ارتادى، دەپ حابارلايدى aqshamnews.kz تجم سايتىنا سىلتەمە جاساپ.
وسىعان بايلانىستى تجم قۇتقارۋشىلارى مەن اسكەري قىزمەتشىلەرى ەلىمىزدىڭ بارلىق وڭىرلەرىندە تۇراقتى تۇردە وقىس وقيعالاردىڭ الدىن الۋعا جانە حالىقتىڭ قاۋىپسىزدىك دەڭگەيىن ارتتىرۋعا باعىتتالعان رەيدتىك ءىس-شارالاردى جۇرگىزۋدە.
پاترۋلدەۋ ارنايى تەحنيكانى، اەروقايىقتاردى، كۆادروسيكلدەردى جانە سۋ كولىگىن پايدالانا وتىرىپ جۇزەگە اسىرىلادى، بۇل جاعالاۋ ايماقتارىن ءتيىمدى باقىلاۋعا، بۇزۋشىلىقتاردى انىقتاۋعا جانە ىقتيمال قاۋىپتەرگە ۋاقتىلى جاۋاپ بەرۋگە مۇمكىندىك بەرەدى. جاپپاي دەمالۋ ورىندارىنا، سونداي-اق شومىلۋعا تىيىم سالىنعان جەرلەرگە ەرەكشە نازار اۋدارىلادى.
ماسەلەن، استانا، الماتى قالالارى، اتىراۋ، اقتوبە جانە تۇركىستان وبلىستارى تجد قىزمەتكەرلەرى ەسىل، جايىق، سىرداريا وزەندەرى مەن سۋ ايدىندارىندا پاترۋلدەۋ جانە رەيدتىك ءىس-شارالار وتكىزدى.
رەيدتەر كەزىندە دەمالۋشىلار مەن بالىقشىلارعا سۋ جاعاسىنداعى نەگىزگى ءجۇرىس-تۇرىس ەرەجەلەرى تۇسىندىرىلەدى، اقپاراتتىق اڭگىمەلەر جۇرگىزىلەدى.