الماتىدا ينتەرنەت-الاياقتارى سوت الدىندا جاۋاپ بەرەتىن بولدى

41 ادام پوليسياعا ارىز تۇسىرگەن

جۇپ الماتىدا تىركەلگەن ميكرو قارجى ۇيىمىنا قاتىستى الاياقتىق جاسادى دەپ كۇدىككە الىندى، دەپ حابارلايدى Almaty-akshamy.kz الماتى قالالىق پوليسيا دەپارتامەنتى باسپا ءسوز قىزمەتىنە سىلتەمە جاساپ.

 ۇستالعان جۇپ 2019 جىلدان بەرى تاۋارلاردى ساتىپ الۋعا اقشا اۋدارۋدى سىلتاۋراتىپ، ينتەرنەت-دۇكەندەرى ساتۋشىلارىنان جسن مەن بانك كارتاسىنىڭ دەرەكتەمەلەرىن العانى انىقتالدى.  

«ازاماتتاردىڭ (ساتۋشىلاردىڭ) ءتولقۇجات دەرەكتەرىن قولدانا وتىرىپ، ولار مقۇ سايتىندا ونلاين رەجيمدە شاعىن نەسيە الۋعا ءوتىنىم بەرگەن.  اقشانى العان سوڭ، قايتادان ساتۋشىلارعا حابارلاسىپ، ولارعا بايقاۋسىزدا اقشا اۋدارعانىن ايتادى جانە جىبەرىلگەن قارجىنى باسقا ارنايى دايىندالعان بانك كارتاسىنا قايتارۋدى سۇرايدى.  وسىلايشا ولار 41 ازاماتتىڭ ءتولقۇجات دەرەكتەرى بويىنشا جالپى سوماسى 4 ميلليون 025 مىڭ تەڭگەگە شاعىن نەسيە راسىمدەگەن»، - دەيدى الماتى قالالىق پد باستىعىنىڭ ورىنباسارى، پوليسيا پودپولكوۆنيگى رۇستەم ءابدراحمانوۆ.

 مقۇ پوليسياعا 41 ادام تولەمدى كەشىكتىرگەننەن كەيىن ارىز تۇسىرگەن.  بارلىق «قارىز الۋشىلاردى» تاپقان پوليسيا، ولاردىڭ نەسيە الۋعا قاتىسى جوقتىعىن انىقتادى.  ارتىنشا، 1995 جىلى تۋعان ا.ەسىمدى ازامات پەن 1994 جىلى تۋعان م.ەسىمدى ازاماتشا انىقتالىپ، ۇستالدى.

 كۇدىكتىلەرگە قاتىستى قىلمىستىق ءىستى تەرگەۋ اياقتالدى.  ونىڭ ماتەريالدارى ۇكىم شىعارۋ ءۇشىن سوتقا جىبەرىلدى.  كۇدىكتىلەر قاماۋدا.