دينوزاۆردىڭ سۇيەگىن امەريكالىق جەكە كوللەكسيونەر الدى
پاريجدە وتكەن ءباسساۋدادا الەمدەگى ەڭ ۇلكەن تريسەراتوپستىڭ قاڭقاسى ساتىلدى. ۇلكەن دجون دەپ اتالاتىن بۇل قاڭقانى امەريكالىق جەكە كوللەكسيونەر 6،6 ملن ەۋروعا ساتىپ الدى، دەپ حابارلايدى Almaty-akshamy.kz «مير24» تەلەارناسىنا سىلتەمە جاساپ.
قاڭقانىڭ ۇلكەن دجون دەپ اتالۋىنا كەلسەك، ول تابىلعان جەر سول دجون دەگەن كىسىگە تيەسىلى بولعان. كەيىن قاڭقاعا سونىڭ اتى بەرىلىپتى.
ءۇشمۇيىزدى دينزاۆردىڭ ۇلكەندىگى سونداي، تىپتەن گيننەستەر كىتابىنا ەڭ ۇلكەن تريسەراتوپستىڭ قاڭقاسى رەتىندە ەنىپتى. ونىڭ ۇزىندىعى 7،15 مەتر، ال بيىكتىگى 2،7 مەتر. ال، باسى دەنەسىنىڭ ۇشتەن ءبىرىن الىپ جاتىر. ەكى ءمۇيىزىنىڭ ۇزىندىعى 1،1 مەترگە جەتەدى.
ساراپشىلار ءباسساۋدا بارىسىندا ۇلكەن دجونعا بار بولعانى 1،2 ملن-نان 1،5 ملن ەۋرو ۇسىنىلادى دەپ بولجاپتى. ءباسساۋدا ۇيىمداستىرۋشىلارىنىڭ ايتۋىنشا، دينوزاۆر قاڭقاسىنىڭ 6،6 ملن ەۋروعا ساتىلۋى رەكورد بولعان. ونى ەسىمىن قۇپيا قالدىرۋدى وتىنگەن امەريكالىق جەكە كوللەكسيونەر ساتىپ العان.