مۇنداي نىساندار جوبالىق قۇجاتتامانىڭ جانە جۇمىستاردى ۇيىمداستىرۋ نورمالارىنىڭ سايكەستىگىنە تەكسەرىلەدى، دەپ حابارلايدى الماتىنىڭ قالا قۇرىلىسىن باقىلاۋ باسقارماسى.
الدىڭعى كۇنى «Samryk SD» ج ش س مەردىگەرلىك ۇيىمىنىڭ راقىشيەۆ كوشەسى بويىنشا كابەل جەلىلەرىن توسەۋ وبەكتىسىن ينسپەكسيالاۋ ناتيجەسىندە كوزبەن شولىپ تەكسەرۋ كەزىندە كابەل توسەۋ تەرەڭدىگى بولىگىندە جوبادان ايتارلىقتاي اۋىتقۋ انىقتالدى. سونىمەن قاتار، بۇكىل كوشەدە قورشاۋلار مەن ەسكەرتۋ بەلگىلەرى جوق.
جۇمىستاردى ۇيىمداستىرۋداعى وسىنداي بۇزۋشىلىقتار وسى مەردىگەردە جانە سالىقوۆ پەن وتەگەنوۆ كوشەلەرىنىڭ قيىلىسىندا انىقتالدى.
باسقارما ينسپەكتورلارى وبەكتىلەردەگى قۇرىلىس-مونتاجداۋ جۇمىستارىن توقتاتتى، ال مەردىگەرگە قاتىستى جوسپاردان تىس تەكسەرۋ اياسىندا اكىمشىلىك شارالار قابىلداناتىن بولادى.
ەستەرىڭىزگە سالا كەتەيىك، اعىمداعى جىلى الماتىدا قۇرىلىس-مونتاجداۋ جۇمىستارىنىڭ تىرەك جانە (نەمەسە) قورشاۋ كونسترۋكسيالارىن تۇرعىزۋعا جانە رەكونسترۋكسيالاۋعا قويىلاتىن تالاپتارعا سايكەستىگىن ينسپەكسيالاۋ ءۇشىن قۇرىلىس وبەكتىلەرىنە بارۋ ءتارتىبى كۇشىنە ەندى.
ساۋلەت-قۇرىلىس باقىلاۋ جانە قاداعالاۋ ورگاندارى قازاقستان رەسپۋبليكاسىنىڭ كاسىپكەرلىك كودەكسىنە سايكەس جوسپاردان تىس تەكسەرۋلەر جۇرگىزۋدى جالعاستىرۋدا. كەلەسى كەزەڭدە ينسپەكسيالاۋ اياسىندا بۇزۋشىلىقتار انىقتالعان كەزدە جاڭاشىلدىق شارالار قابىلداۋ ءۇشىن جەدەل تەكسەرۋ جۇرگىزۋگە مۇمكىندىك بەرەدى.