بۇل تۋرالى الماتى وڭىرلىك كوممۋنيكاسيالار قىزمەتىنىڭ بريفينگىندە قالالىق سانيتارلىق-ەپيدەميولوگيالىق باقىلاۋ دەپارتامەنتى باسشىسىنىڭ ورىنباسارى اسەل قالىقوۆا مالىمدەدى. ول الماتىدا دەرتتىڭ تۇراقتى تومەندەگەنىن اتاپ ءوتتى، دەپ حابارلايدى اlmaty-akshamy.kz
«الماتى، قازاقستاننىڭ باسقا وڭىرلەرى سياقتى، ەپيدەميولوگيالىق احۋالدى باعالاۋ ماتريساسىنىڭ «جاسىل» ايماعىندا ورنالاسقان. جۇقتىرۋ جاعدايلارىنىڭ تاۋلىكتىك تىركەلۋى تومەندەدى. وتكەن تاۋلىكتە كۆي-دىڭ 15 جاعدايى تىركەلدى، ءبىراق بۇل دەمالۋعا جانە كارانتيندىك شارالاردى ەلەمەۋگە سەبەپ بولمايدى. بارلىعىن جابىق بولمەلەردە ماسكا رەجيمىن ساقتاۋعا شاقىرامىن، سەبەبى بۇل تالاپ مىندەتتى بولىپ قالا بەرەدى»، - دەدى ءا. قالىقوۆا.
سپيكەر اتاپ وتكەندەي، سىرقاتتانۋشىلىق كورسەتكىشىنىڭ تومەندەۋى قالاداعى قولدانىستاعى شەكتەۋلەردى، سونىڭ ىشىندە Ashyq جوباسى بويىنشا شەكتەۋلەردى جەڭىلدەتۋگە مۇمكىندىك بەردى.
اسەل قالىقوۆا قالا تۇرعىندارى ءۇشىن كۆي-دەن ۆاكسيناسيالاۋ جانە قايتا ۆاكسيناسيالاۋ ءالى دە ماڭىزدى ەكەنىن اتاپ ءوتتى. يممۋندىق قاباتقا كەمىندە 75-85% جەتۋ كەرەك.
«بۇگىندە ۆاكسينالىق پروفيلاكتيكا جۇقپالى جانە پارازيتتىك اۋرۋلارعا، سونىڭ ىشىندە كوروناۆيرۋسقا قارسى نەگىزگى قورعانىس شاراسى بولىپ تابىلادى»، - دەپ اتاپ ءوتتى سەبد باسشىسىنىڭ ورىنباسارى.
ەپيدەميولوگ ريەۆاكسينالانۋدى كەشىكتىرمەۋ، ماسكا رەجيمىن ساقتاۋ، دەزينفەكسيانى جۇرگىزۋ جانە الەۋمەتتىك قاشىقتىقتى ساقتاۋ ماڭىزدى ەكەنىن اتاپ ءوتتى.