سەبەبى، ولاردىڭ يەلەرى ايىپپۇل تولەمەگەن.
وسى كۇندەرى الماتىدا ايىپپۇل تولەمەگەندەرگە قاتىستى رەسپۋبليكالىق ءىس-شارا جۇرگىزىلۋدە، دەپ حابارلايدى Almaty-akshamy.kz.
“قۇقىق بۇزۋشىلىققا مۇلدەم توزبەۋشىلىك” قاعيداتتارىن، جاسالعان قۇقىق بۇزۋشىلىق ءۇشىن جازانىڭ بۇلتارتپاستىعىن قامتاماسىز ەتۋ جانە سالىنعان اكىمشىلىك ايىپپۇلداردى ءوندىرۋ تيىمدىلىگىن ارتتىرۋ ماقساتىندا الماتى پوليسياسى “بورىشكەر” جەدەل الدىن الۋ ءىس-شاراسىن وتكىزىپ جاتىر.
«ءىس-شاراعا مكد قىزمەتكەرلەرى مەن جەكە سوت ورىنداۋشىلارىنىڭ وڭىرلىك پالاتاسىنىڭ سوت ورىنداۋشىلارى تارتىلدى. اۆتوكولىكتەر قارقىندى جۇرەتىن ورىندارعا پاترۋلدىك پوليسيانىڭ كولىكتەرى جۇمىلدىرىلعان. اۆتوماتتاندىرىلعان اقپاراتتىق جۇيەلەردىڭ مۇمكىندىكتەرى دە كەڭىنەن قولدانىلادى، ونىڭ ىشىندە “قورعاۋ – ءقاۋىپتى جۇرگىزۋشى”، ول سالىنعان اكىمشىلىك ايىپپۇلدار بويىنشا بەرەشەگى بار بورىشكەرلەردى اۆتوماتتى تۇردە انىقتايدى»، – دەدى الماتى قالالىق پد اكىمشىلىك پوليسيا باسقارماسىنىڭ باستىعى اسحات قۇلبايەۆ.
ءتارتىپ بۇزۋشىنىڭ كولىگى مامانداندىرىلعان ايىپپۇل تۇراعىنا ورنالاستىرىلادى.
«تەك ءبىزدىڭ اۋداندا ءىس-شارا جۇمىستارى باستالعالى بەرى كولىك يەلەرىنىڭ اليمەنت، ايىپپۇل، سالىق بويىنشا قارىزدارى بار 26 اۆتوكولىك ۇستالىپ، مامانداندىرىلعان اۆتوتۇراققا ورنالاستىرىلدى. ولاردىڭ كوپشىلىگى قارىزدارىن وتەدى. ايتپاقشى، قالانىڭ پەريمەترى بويىنشا ەكولوگيالىق بەكەتتەردە ءبىزدىڭ بولىمشە، مكد جانە جسو قىزمەتكەرلەرىنەن ءموبيلدى توپتار ورنالاستىرىلعان. بۇل ماكسيمالدى كولىك قوزعالىسىن قامتۋعا جانە كولىكتە قارىزدىڭ بار-جوعىن تەكسەرۋگە مۇمكىندىك بەرەدى»، – دەدى الاتاۋ اۋداندىق پب ءاپب-نىڭ اكىمشىلىك تاجىريبە ءبولىمىنىڭ باستىعى ەرنۇر ورتايەۆ.
اكىمشىلىك تاجىريبە ءبولىمىنىڭ مالىمەتىنشە، ءىس-شارا باستالعالى 131 كولىك ۇستالدى جانە ايىپپۇل تۇراعىنا قويىلدى. سونىمەن قاتار جالعان مەملەكەتتىك نومىرمەن جۇرگەن 8 كولىك قۇرالى، جۇرگىزۋشى كۋالىگىنسىز كولىكتى باسقارعان 61 ادام، سونداي-اق مۇنداي قۇقىقتان ايىرىلعان 5 ادام ۇستالدى.