الماتىدا حقكو-نىڭ قىزمەتىنە جۇگىنۋ ءۇشىن الدىن الا جازىلۋ قاجەت ەمەس

حقكو-نىڭ جۇمىسىنداعى وزگەرىستەر 

باس مەملەكەتتىك سانيتارلىق دارىگەردىڭ 2021 جىلعى 26 تامىزداعى № 37 قاۋلىسى بويىنشا حقكو-عا بارۋ ءۇشىن مىندەتتى تۇردە الدىن الا جازىلۋ (برونداۋ) تالابى الىنىپ تاستالدى، دەپ حابارلايدى Almaty-akshamy.kz قازاقپارات سايتىنا سىلتەمە جاساپ. 

وسىعان بايلانىستى، الماتى قالاسىنىڭ حالىققا قىزمەت كورسەتۋ ورتالىقتارىنىڭ جۇمىس كەستەسى جايلى «ازاماتتارعا ارنالعان ۇكىمەت» مەملەكەتتىك كورپوراسياسى الماتى قالاسى فيليالىنىڭ ديرەكتورى ەرمەك بەكجۇنىسوۆ ايتىپ بەردى.

«الماتى قالاسىندا المالى اۋدانى، بوگەنباي باتىر كوشەسى، 221ء-ۇي مەكەنجايىندا ورنالاسقان حالىققا قىزمەت كورسەتۋ ءبولىمى، سونداي-اق الماتى قالاسى، الاتاۋ اۋدانى، "سايالى" ىقشاماۋدانى، اققاينار كوشەسى، 1 ءۇي مەكەنجايىندا ورنالاسقان №1 مامانداندىرىلعان حقكو بولىمدەرى، مەملەكەتتىك قىزمەت كورسەتۋ ءۇشىن، دۇيسەنبىدەن جۇماعا دەيىن ساعات 9:00-دەن 20:00-گە دەيىنگى جۇمىس كەستەسىمەن كەزەكشى بولىمدەر رەتىندە جۇمىس ىستەيدى»، - دەدى ول.

سونىمەن قاتار، فيليال باسشىلىعى تۇرعىنداردان سانيتارلىق قاۋىپسىزدىك شارالارىن ۇمىتپاۋدى، حقكو-عا كەلگەندە بەتپەردە تاعىپ، الەۋمەتتىك قاشىقتىقتى ساقتاۋدى سۇرايدى.