بيىل الماتىدا «حالىقتىڭ بيۋدجەتكە قاتىسۋى» باعدارلاماسى بويىنشا 8،7 ملرد تەڭگەگە 237 جوباعا قولداۋ كورسەتىلمەك. بۇل تۋرالى وڭىرلىك كوممۋنيكاسيالار قىزمەتىنىڭ بريفينگىندە الماتى قالاسى قارجى باسقارماسى باسشىسىنىڭ مىندەتىن اتقارۋشى التىناي تولەۋتايەۆا مالىمدەدى، دەپ حابارلايدى Almaty-akshamy.kz Inform.kz-كە سىلتەمە جاساپ.
«الماتىلىقتاردىڭ «حالىقتىڭ بيۋدجەتكە قاتىسۋى» باعدارلاماسىنا قاتىسۋعا تاعى دا مۇمكىندىگى بار. 1 ماۋسىمنان باستاپ الماتىدا «حالىقتىڭ بيۋدجەتكە قاتىسۋى» اياسىندا جوبالىق ۇسىنىستاردى قابىلداۋ باستالدى. ولاردى ىسكە اسىرۋ 2023 جىلعا جوسپارلانىپ وتىر. ءوتىنىم بەرۋ مەرزىمى budget.open-almaty.kz سايتى ارقىلى 20 شىلدەگە دەيىن»، - دەدى التىناي تولەۋتايەۆا.
ول سونداي-اق، 2021 جىلى قالا تۇرعىندارىنىڭ باستاماسىمەن «حالىقتىڭ بيۋدجەتكە قاتىسۋى» باعدارلاماسى بويىنشا 5،4 ملرد تەڭگەگە 256 جوبا جۇزەگە اسىرىلعانىن اتاپ ءوتتى.
«ءاربىر ىسكە اسىرىلعان جوبا وزىنشە بىرەگەي. قالالىقتاردىڭ ەڭ جاقسى پىكىرلەرىنە يە بولعان جوبالار بار. مىسالى، الاتاۋ اۋدانىنىڭ «شاڭىراق-2» جانە «توميريس» شاعىن اۋداندارىنداعى بالالار مەن سپورت الاڭدارى كوپشىلىكتىڭ كوڭىلىنەن شىقتى»، - دەدى سپيكەر.