ەڭبەك قىزمەتىنە بايلانىستى جازاتايىم وقيعا كەزىندە زارداپ شەككەندەر سانى وتكەن جىلى 2 133 ادامدى قۇرادى، ونىڭ ىشىندە 389 ادام (18،2%) – ايەلدەر، دەپ حابارلايدى Almaty-akshamy.kz Inform.kz-كە سىلتەمە جاساپ.
ۇلتتىق ستاتيستيكا بيۋروسىنىڭ مالىمەتىنشە، زارداپ شەككەندەردىڭ جالپى سانىنان قازا تاپقاندار سانى 176 ادامدى قۇرادى، بۇل 2020 جىلعا قاراعاندا 27 ادامعا كەم. جاراقاتتانۋدىڭ ەڭ جوعارى كورسەتكىشى قاراعاندى وبلىسىندا ساقتالىپ وتىر. 2021 جىلى وندا 537 جاعداي تىركەلدى، بۇل جالپى جاعدايلاردىڭ 25،2% قۇرايدى. ەكىنشى ورىندا شىعىس قازاقستان وبلىسى، وندا وندىرىستە 320 ادام جاراقات الدى (جالپى سانىنىڭ 15%). توپتىق جازاتايىم وقيعالاردا 240 ادام، كاسىبي اۋرۋ سالدارىنان – 351 ادام، 47 ادام ۋلانۋدان زارداپ شەكتى.
سونداي-اق ماس كۇيىندە 24 ادام، ەسىرتكى اسەرىندە بولعان 8 ادام قىزمەتتە جاراقات العان. پسيحيكالىق اۋىتقۋ سالدارىنان وندىرىستە 9 ادام زارداپ شەككەن. وڭدەۋ ونەركاسىبى جاراقات الۋ ءقاۋپى جوعارى سالا بولىپ وتىر، وتكەن جىلعى جازاتايىم وقيعالاردىڭ 26،8% وسى سالادا تىركەلدى. ەكىنشى ورىندا تاۋ-كەن ءوندىرۋ ونەركاسىبى، وندا زارداپ شەككەندەردىڭ 20،8%-ى جۇمىس ىستەگەن. جازاتايىم وقيعالار سانى ەڭ از سالا – اۋىل، ورمان جانە بالىق شارۋاشىلىعى، جاراقات العانداردىڭ ۇلەسى – 2،9%-ى. زارداپ شەككەندەردىڭ اۋىر دارەجەدە جاراقات العاندار ۇلەسى – 44،6%، ورتاشا دارەجەدە – 13%، جەڭىل دارەجەدە 32،5% قۇرادى. زارداپ شەككەندەردىڭ 9،9% قايتىس بولدى.
وتكەن جىلى ەڭ كوپ تارالعان كاسىبي اۋرۋلار: دورسالگيا – سپەسيفيكالىق ەمەس ارقاداعى اۋىرسىنۋ (200 ادام)؛ راديكۋلوپاتيا – نيەۆرولوگيالىق سيندروم (196 ادام) جانە ءدىرىلدىڭ جانە باسقا دا سىرتقى سەبەپتەردىڭ اسەرى (146 ادام).