حالىقتىڭ الەۋمەتتىك وسال توپتارىنا جاتاتىن ازاماتتاردىڭ ساناتتارى ءۇشىن وتەماقى تولەمى 0،8 اەك-كە دەيىن ۇلعايتىلدى، ياعني 2 954 تەڭگە. بۇل تۋرالى الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى باۋىرجان جاۋباسوۆ ءماسليحاتتىڭ كەزەكتەن تىس XVI سەسسياسى بارىسىندا دەپۋتاتتاردىڭ سۇراقتارىنا جاۋاپ بەرگەن كەزدە ايتتى.
قازىرگى ۋاقىتتا الماتىدا ءحاوت ساناتىنداعى 315 430 ازامات تۇرادى، ولارعا الەۋمەتتىك كومەك كورسەتۋ ەرەجەلەرىنە سايكەس اتاۋلى الەۋمەتتىك كومەك كورسەتىلەدى. قاتقىل تۇرمىستىق قالدىقتاردى (قتق) جيناۋعا، تاسىمالداۋعا، سۇرىپتاۋعا جانە كومۋگە ارنالعان تاريفتەردىڭ وزگەرۋىنە بايلانىستى شىعىستاردى وتەۋ ءۇشىن 2024 جىلعى 1 مامىردان باستاپ ولارعا 0،05 اەك (184،6 تەڭگە) مولشەرىندە اتاۋلى الەۋمەتتىك كومەك تولەنەتىن بولادى.
«ناۋرىز ايىندا ەلەكتر ەنەرگياسىنا باعا وسكەن كەزدە ءبىز قولدانىستاعى وتەماقى شاراسىن 0،6 اەك-تەن 0،75 اەك-كە دەيىن ارتتىرۋ تۋرالى باستاما كوتەردىك، سونداي-اق قتق-عا ءتاريفتىڭ وزگەرۋىن بولجاي وتىرىپ، قوسىمشا 0،8 اەك-كە دەيىن ارتتىرۋدى كەپىلگە قويدىق. حالىقتىڭ الەۋمەتتىك وسال توپتارى 1 مامىردان باستاپ 0،8 اەك الاتىن بولادى. ءقازىردىڭ وزىندە تولىق وتەماقى»، - دەدى باۋىرجان جاۋباسوۆ.
ەستەرىڭىزگە سالا كەتەيىك، 2023 جىلدىڭ شىلدەسىنەن باستاپ الماتى اكىمدىگىنىڭ باستاماسىمەن قالادا ازاماتتاردىڭ 8 وسال ساناتى ءۇشىن وتەماقى تولەمدەرى ەسەبىنەن تكش قىزمەتتەرىنىڭ قىمباتتاۋىنىڭ سالدارىن تەڭەستىرۋگە باعىتتالعان جوبا ىسكە قوسىلدى.
ماسەلەن، ءحاوت ساناتىنداعى ازاماتتارعا 2023 جىلعى 1 شىلدەدەن باستاپ 0،5 اەك مولشەرىندە جانە 2023 جىلعى 1 قاراشادان باستاپ ەلەكتر ەنەرگياسىنا 0،6 اەك كولەمىندە سۋمەن جابدىقتاۋعا وتەماقى تولەنۋدە.