ول ءوز سالماعىندا الەمنىڭ ءابسوليۋتتى چەمپيونى بولۋدى كوزدەيدى
كاسىپقوي بوكستان قىزدار اراسىندا اسا جەڭىل سالماقتا ونەر كورسەتەتىن قازاقستاندىق انگەلينا لۋكاس (8-1) كەلەسى جەكپە-جەگىن ءۇندى بوكسشىسىنا قارسى وتكىزەدى، دەپ حابارلايدى اlmaty-akshamy.kz.
بۇل سىندا باسكە WIBF چەمپيوندىق تيتۋلى تىگىلەدى. بۇل تۋرالى لۋكاستىڭ ءوزى Instagram-پاراقشاسىندا جازدى. ونىڭ ايتۋىنشا، قارسىلاسى ءالسىز ەمەس – التى جەكپە-جەكتىڭ بەسەۋىن جەڭگەن مامتا سينگح. كەزدەسۋ تايلاندتا وتەدى.
«ءابسوليۋتتى چەمپيون بولۋعا كىرىستىم. ول ءۇشىن IBF، IBO، WIBF، WBO، WBC، WBA، WBF بەلبەۋلەرىنىڭ ءبارىن بىرىكتىرۋىم كەرەك. سوندىقتان، بۇل جەكپە-جەك مەن ءۇشىن وتە ماڭىزدى. 10 راۋندقا جوسپارلانعان توبەلەسكە دايىندالىپ جاتىرمىن. قارسىلاسىم مىقتى»، - دەپ جازدى ول الەۋمەتتىك جەلىدە.
ايتا كەتەيىك، جەكپە-جەك 25 ساۋىردە بولادى. انگەلينا لۋكاس قازاقستاندىقتاردى وزىنە قولداۋ كورسەتۋگە شاقىردى.