بۇل تۋرالى الماتى قالاسى اكىمىنىڭ ورىنباسارى اسقار ءامرين ءماسليحاتتىڭ كەزەكتەن تىس XII سەسسياسىندا ءمالىم ەتتى، دەپ حابارلايدى اlmaty-akshamy.kz.
ونىڭ ايتۋىنشا، حالىقتىڭ الەۋمەتتىك وسال توپتارى ءۇشىن تۇرعىن ءۇي تولەمدەرى مەن اتاۋلى كومەك كولەمىن اعىمداعى جىلى 7،2 ملرد تەڭگەدەن 2024 جىلى 10،9 ملرد تەڭگەگە دەيىن ۇلعايتۋ ۇسىنىلىپ وتىر.
16،5 ملرد تەڭگە سوماسىنا مۇگەدەكتىگى بار ادامدارعا الەۋمەتتىك كومەك كورسەتۋ ۇسىنىلادى. بۇل جەكە كومەكشىلەردىڭ، قيمىلمەن تۇسىندىرەتىن ءتىل ماماندارىنىڭ قىزمەتتەرىنىڭ تولەمى جانە كومەكشى تەحنيكالىق قۇرالداردى ساتىپ الۋ.
قالا اكىمىنىڭ تاپسىرماسى بويىنشا كەلەسى جىلى 2 215 تەڭگە كولەمىندە وتەماقى حالىقتىڭ الەۋمەتتىك وسال توپتارىنىڭ 8 ساناتىنا (ءحاوت) تولەۋ جالعاسادى. جالپى شىعىستار 4،2 ملرد تەڭگەنى قۇرايدى. بۇل قاراجات "ينۆەستيسيالارعا ايىرباستاۋ ءتاريفى" باعدارلاماسى اياسىندا كوممۋنالدىق قىزمەتتەر تاريفتەرىنىڭ ءوسۋىن وتەيدى.
سونىمەن قاتار، الەۋمەتتىك قىزمەتتەر ورتالىقتارىنىڭ، 14 بەلسەندى ۇزاق ءومىر ءسۇرۋ ورتالىقتارىنىڭ، 9 "باقىتتى وتباسى" ورتالىقتارىنىڭ (كوپبالالى انالار ءۇشىن)، 15 "شىڭعا ورلەۋ" (از قامتىلعان وتباسىلاردان شىققان وقۋشىلار ءۇشىن) جۇمىس ىستەۋى ءۇشىن، سونداي-اق ۇكىمەتتىك ەمەس ۇيىمدار سەكتورىنداعى باسقا دا جوبالارعا 14 ملرد تەڭگەدەن استام قاراجات جوسپارلانعان.