ۇكىمەت الماتى وبلىسى، كەگەن اۋدانىنىڭ جالاعاش اۋىلىندا سپورت كەشەنىن سالۋعا 1،1 ملرد تەڭگە ءبولدى. جوبا «زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» زاڭ اياسىندا ىسكە اسىرىلىپ وتىر، دەپ حابارلايدى aqshamnews.kz
پرەزيدەنتتىڭ تاپسىرماسىنا سايكەس، ارناۋلى مەملەكەتتىك قوردان الىنعان قاراجات وڭىرلەردەگى الەۋمەتتىك ماڭىزى بار نىسانداردىڭ قۇرىلىسىنا باعىتتالۋدا.
جاڭا سپورت كەشەنى دەنە شىنىقتىرۋ دايىندىعى بويىنشا وقۋ-جاتتىعۋ ساباقتارىن وتكىزۋگە جانە جارىستار ۇيىمداستىرۋعا ارنالعان. كەشەندە بوكس، كۇرەس جانە باسقا دا سپورت تۇرلەرىنە ارنالعان بىرنەشە زالدار قاراستىرىلعان.
2024 جىلى ەلىمىزدە 90 دەنە شىنىقتىرۋ-ساۋىقتىرۋ كەشەنى سالىندى، ولاردىڭ باسىم بولىگى اۋىلدىق جەرلەردە ورنالاسقان. سونىمەن قاتار، ۇكىمەت 2025 جىلدىڭ سوڭىنا دەيىن 113 جاڭا سپورت نىسانىن سالۋ جانە 26 سپورت مەكەمەسىن رەكونسترۋكسيالاۋدى جوسپارلاۋدا.
بۇگىنگى تاڭدا ارناۋلى مەملەكەتتىك قوردان الەۋمەتتىك ماڭىزى بار نىسانداردى سالۋعا شامامەن 50،6 ملرد تەڭگە ءبولىندى. بۇل قاراجات ەسەبىنەن 4 مەكتەپ، ونىڭ ىشىندە مۋزىكالىق مەكتەپ، سپورت كەشەنى، كوپسالالى اۋرۋحانا، جاتاقحانا جانە 2 بالاباقشا سالىنۋدا.
«زاڭسىز يەمدەنىلگەن اكتيۆتەردى مەملەكەتكە قايتارۋ تۋرالى» زاڭ نەگىزىندە ارقالىق، استانا، الماتى قالالارىندا الەۋمەتتىك ينفراقۇرىلىم نىساندارىنىڭ قۇرىلىسى جالعاسۋدا.