الماتىدا حالىقارالىق ءسان كورمەسى اشىلدى

الماتىدا «سەنترل ەيجا فەشن» حالىقارالىق ءسان كورمەسى اشىلدى.

وندا موسكوۋ ەكسپورت سەنتر دامۋ ينستيتۋتىنىڭ قولداۋىمەن ماسكەۋلىك 15 كومپانيا ءسان ۇلگىسىن كورسەتتى. جەڭىل ونەركاسىپ سالاسىندا جۇمىس ىسەيتىن بۇل كومپانيالار قازاقستاندا ءوز كاسىبىن دامىتقىسى كەلەدى، دەپ حابارلايدى اlmaty-akshamy.kz.

اتاكەنت كورمە پاۆيلونىندا ادام كوپ. تۇرعىنداردى ماسكەۋدە جاسالعان برەندتىك تاۋارلار قىزىقتىرادى. ادەمى كويلەكتەر پوديۋمداعى ارۋلاردىڭ اجارىن اشا تۇسكەندەي. كورمەدە سان-الۋان اشەكەي بۇيىم، باس كيىمدەر مەن قولدوربالار ايەلدەردىڭ نازارىنا ۇسىنىلدى.

ۆيكتوريا زۆەريەۆا، ماسكەۋلىك ەكسپورت ورتالىعى باس ديرەكتورىنىڭ ورىنباسارى:  

«ءبىز ۇلكەن مۇمكىندىكتى كورىپ وتىرمىز. قازاقستان ءبىز ءۇشىن ىنتىماقتاستىق پەن كەلىسىمگە نەگىزدەلگەن نارىق. ءبىز نارىقتاعى كوپتەگەن بۋتيكتەردىڭ اسسورتيمەنتىمەن تانىستىق. كورمە وتە جوعارى دەڭگەيدە ءوتىپ جاتىر. حالىق تاراپىنان، قىزىعۋشىلىق بار. استانا مەن الماتىدا ورنالاسقان بۋتيكتەرمەن كەلىسسوز جۇرگىزىپ جاتىرمىز. كورمە ءبىزدىڭ برەندتەردىڭ نارىققا شىعۋىنا زور مۇمكىندىك بەرەدى. مىسالى، اkhmadulina Dreams برەندتەرى ءقازىردىڭ وزىندە قازاقستان نارىعىندا سۇرانىسقا يە. سوندىقتان بۇل شىن مانىندە تابىستى شارا دەپ ويلايمىن». 

ماسكەۋدەن الماتىعا العاش رەت كەلگەن كاسىپكەرلەر بار. ولار ءبىزدىڭ نارىققا ءوز تاۋارىن ۇسىنىپ، ساتۋدى كوزدەيدى.

جامال ماحمۋدوۆ، كيىم برەندىن جاساۋشى:

«مەنىڭ كوللەكسياما قىزىعۋشىقتىڭ بارىن بايقاپ، كادىمگىدەي قۋانىپ قالدىم. كورمەدەن كەيىن كورەمىز. كويلەكتەرىم 24-35 جاس ارالىعىنداعى ارۋلارعا ارنالىپ تىگىلدى. بار ونەرىمىزدى سالدىق. اراسىندا قىمبات ۇلگىلەرى دە، قولجەتىمدى تۇرلەرى دە بار. بۇل ايەلدەرگە ارنالعان برەند. ءار كولەكسيانى ويلاستىرعاندا الدىمەن ايەلدىڭ ىشكى سەزىمىن، سىمباتىن، ادەمى كورىنۋىن قالايمىن». 

كورمە زالىندا 7 برەند ءوز ونىمدەرىن تانىستىرادى. ءسان كورسەتىلىمى 3 كۇن بويى وتەدى. سودان كەيىن ۇيىمداستىرۋشىلار ارىپتەستىك بايلانىس ورناتىپ، ىسكەرلىك كەلىسسوز بولادى دەپ ۇمىتتەنەدى.