اتىراۋدا جاڭا تۋعان نارەستەنى ساتۋ ءىسى بويىنشا سوتتالعان بەس ادامعا قاتىستى سوت ۇكىمى كۇشىندە قالدى، - دەپ حابارلايدى اlmaty-akshamy.kz اتىراۋ وبلىستىق سوتىنىڭ باسپا ءسوز قىزمەتىنە سىلتەمە جاساپ.
اتىراۋ وبلىستىق سوتىنىڭ قىلمىستىق ىستەر جونىندەگى سوت القاسى اتىراۋ وبلىسىنىڭ كامەلەتكە تولماعاندار ىستەرى جونىندەگى مامانداندىرىلعان اۋدانارالىق سوتىنىڭ 5 ادامعا قاتىستى ۇكىمىن اپەللياسيالىق تارتىپتە قايتا قارادى.
سوت ۇكىمى بويىنشا، سوتتالۋشى س.ا. ادامدار توبىنىڭ الدىن الا ءسوز بايلاسۋىمەن، بىرنەشە رەت دارمەنسiز كۇيدەگى كامەلەتكە تولماعاندار ساۋداسىمەن اينالىسقانى، سونداي-اق، بىرنەشە رەت الاياقتىق جاساعانى ءۇشىن 8 جىل مەرزىمگە باس بوستاندىعىنان ايىرۋ جازاسىنا كەسىلگەن.
قالعان ءتورت سوتتالۋشى ادامدار توبىنىڭ الدىن الا ءسوز بايلاسۋىمەن، دارمەنسiز كۇيدەگى كامەلەتكە تولماعاندار ساۋداسىمەن اينالىسقانى ءۇشىن قك-تىڭ 55-بابىنىڭ 4-بولىگىن قولدانۋمەن شارتتى تۇردە 3 جىل مەرزىمگە باس بوستاندىعىنان ايىرۋ جازاسىنا كەسىلگەن.
"سوتتالۋشى ايەل جۇكتى بولا تۇرا، ءوزىنىڭ ماتەريالدىق جاعدايىن جاقسارتۋ ماقساتىندا، ءوزىنىڭ بالاسىن دۇنيەگە كەلگەن سوڭ ساتاتىن بولىپ، وتباسىلىق جۇپپەن ءسوز بايلاسقان. اقشا قاراجاتىن بەرگەننەن كەيىن وتباسىلىق جۇپ بالانى وزدەرىنىڭ وتباسىنا العان".
ۋاقىت وتە كەلە، ايەل قايتادان جۇكتى بولىپ، بوتەننىڭ مۇلكىن الداۋ جانە سەنىمدى تەرىس پايدالانۋ جولىمەن قىلمىستىق وي تۋىنداپ، باسقا ەكى وتباسىلىق جۇپقا بالانى بەلگىلى ءبىر سومماعا ساتۋعا ۋادە بەرگەن. الايدا، ولاردىڭ اقشاسىن الىپ، ءىزىن سۋىتقان.
"ناتيجەسىندە جابىرلەنۋشىلەرگە 2،3 ميلليون تەڭگە زالال كەلتىرىلگەن. وسى ۋاقىتتا سوتتالۋشى ايەل ءوزىنىڭ بالاسىن دۇنيەگە كەلگەن سوڭ ساتاتىن بولىپ، باسقا وتباسىلىق جۇپپەن ءسوز بايلاسقان. وتباسىلىق جۇپ بالا دۇنيەگە كەلگەنشە سوتتالۋشى ايەلدىڭ شوتىنا اقشا اۋدارىپ وتىرعان. بالا دۇنيەگە كەلگەن سوڭ ءوز وتباسىلارىنا العان.
وتباسىلىق جۇپتار جاڭا تۋعان بالالاردى اقشاعا ساتىپ الىپ، اكەلىكتى انىقتاپ، بالالاردىڭ تۋۋ تۋرالى كۋالىكتەرىنە ءوز اتتارىن جازدىرعان"، - دەلىنگەن حابارلامادا.
ءىس اپەللياسيادا سوتتالعاندار جانە ادۆوكاتتاردىڭ اپەللياسيالىق شاعىمدارى بويىنشا قارالعان.
"ولار سوت ۇكىمىنىڭ كۇشىن جويىپ، اقتاۋ ۇكىمىن شىعارۋدى سۇرادى. القا اپەللياسيالىق شاعىمداردى زەردەلەي كەلە، سوت ۇكىمىن وزگەرۋگە نەمەسە ونىڭ كۇشىن جويۋعا نەگىزدەر تاپپادى. وسىعان بايلانىستى، قىلمىستىق ىستەر جونىندەگى سوت القاسىنىڭ قاۋلىسىمەن ءبىرىنشى ساتى سوتىنىڭ ۇكىمى وزگەرىسسىز، اپەللياسيالىق شاعىمدار قاناعاتتاندىرۋسىز قالدىرىلدى"، - دەلىنگەن حابارلامادا.