قىزىلوردالىق پوليسەيلەر حالىقارالىق ىزدەۋدە جۇرگەن قىلمىسكەرلەردى الماتىدا ۇستادى، – دەپ حابارلايدى almaty-akshamy.kz Polisia.kz سىلتەمە جاساپ.
13 قاراشا كۇنى قىزىلوردا وبلىسى پد جانە الماتى وبلىسى پد كريمينالدىق پوليسيا باسقارمالارىنىڭ قىزمەتكەرلەرىمەن بىرلەسىپ جۇرگىزىلگەن جەدەل-ىزدەستىرۋ شارالارى بارىسىندا تەرگەۋدەن بوي تاسالاپ، حالىقارالىق ىزدەۋدە جۇرگەن قىزىلوردا وبلىسىنىڭ ەكى تۇرعىنى الماتىدا قۇرىقتالدى.ولار قازاقستان رەسپۋبليكاسى قىلمىستىق كودەكسىنىڭ 293-بابى 3-بولىگىنىڭ 2-تارماعى (اتىس قارۋىن قولدانىپ، جاسالعان بۇزاقىلىق) جانە 24-بابى 3-بولىگى مەن 99-بابىنىڭ 2-بولىگىنىڭ 7،9-تارماقتارى (بۇزاقىلىق نيەتپەن، الدىن الا ءسوز بايلاسۋ ارقىلى ادامدار توبىمەن ولتىرۋگە وقتالعان) بويىنشا قىلمىس جاساعان دەپ ايىپتالۋدا.
ۇستالعان ەكى كۇدىكتىگە قاتىستى “كۇزەتپەن ۇستاۋ” تۇرىندەگى بۇلتارتپاۋ شاراسى تاڭدالدى.
پوليسەيلەر كۇدىكتىلەردى الماتى قالاسى تۋركسىب اۋدانىنداعى جالدامالى پاتەرلەردىڭ بىرىندە ۇستاعان. قازىرگى ۋاقىتتا ولار ۋاقىتشا ۇستاۋ يزولياتورىنا قاماققا الىندى.