الماتىدا پوليسيا قىزمەتكەرلەرى اسا ءىرى كولەمدە الاياقتىق جاسادى دەگەن كۇدىكپەن حالىقارالىق ىزدەۋدە جۇرگەن رەسەي ازاماتىن ۇستادى. بۇل تۋرالى Aqshamnews.kz سايتى حابارلايدى.
كۇدىكتىنى ىزدەۋدى رف كراسنودار ولكەسىنىڭ فقق باسقارماسى باستاعان. ول ۇيىمداسقان قىلمىستىق توپ قۇرامىندا ارەكەت ەتىپ، مەملەكەتكە 23 ميلليون رۋبلدەن استام شىعىن كەلتىرگەن.
الماتى پد مالىمەتىنشە، جەدەل شارالار ناتيجەسىندە كۇدىكتىنىڭ مەكەنجايى انىقتالىپ، ۋاقىتشا ۇستاۋ يزولياتورىنا قامالدى. ءقازىر ەكستراديسيالاۋ پروسەسى باستالدى.