2025 جىلدىڭ باسىنان باستاپ الماتىنىڭ جەتىسۋ اۋدانىندا ونەركاسىپ ءونىمىن ءوندىرۋ كولەمى 57،5 ملرد تەڭگە بولدى. سالىستىرۋ ءۇشىن 2024 جىلدىڭ وسى كەزەڭىندە بۇل كورسەتكىش 50 ملرد تەڭگە ەدى. وسىلايشا، ونەركاسىپ ءوندىرىسىنىڭ فيزيكالىق كولەمىنىڭ يندەكسى (يفو) 107،5%-عا جەتتى، دەپ حابارلايدى aqshamnews.kz
بيىلعى جىلى نەگىزگى كاپيتالعا ينۆەستيسيا 10 ملرد تەڭگەگە جەتتى.
2025 جىلى اۋداننان 65،2 ملرد تەڭگە كولەمىندە سالىق ءتۇسىمى ءتۇستى (2024 جىلى - 58،7 ملرد تەڭگە).
بۇعان قوسا، قالا اكىمى ەربولات دوسايەۆتىڭ تاپسىرماسىمەن حالىققا ارنالعان تۇرعىن ءۇي قۇرىلىسى مەن پايدالانۋعا بەرىلۋى جالعاسىپ جاتىر. 2025 جىلى اۋدان بويىنشا 16 712 شارشى مەتر تۇرعىن ءۇي پايدالانۋعا بەرىلدى، بۇل كورسەتكىش وتكەن جىلدىڭ وسى كەزەڭىمەن سالىستىرعاندا 577%-عا ءوستى (2 896 شارشى مەتر).
قالا باسشىسىنىڭ تاپسىرماسىمەن زاڭسىز كوشەدەگى ساۋدامەن كۇرەس جۇمىستارى جالعاسۋدا. 2025 جىلدىڭ باسىنان باستاپ جەتىسۋ اۋدانىندا 25 سەسن (ستاسيونارلىق ەمەس ساۋدا نىسانى) جويىلدى.
ايتا كەتۋ كەرەك، الماتىدا كوشەدەگى ساۋدا نىساندارىن ءسۇرۋ جۇمىستارى 2025 جىلدىڭ 4 اقپانىندا سەسن مونيتورينگىنەن كەيىن باستالعان بولاتىن، قالا بويىنشا ولاردىڭ سانى شامامەن 500 بولعان.
ءسۇرۋ جۇمىستارى جالعاسۋدا، ال قالا اكىمدىگى كاسىپكەرلەردى ساۋدا نىساندارىن ورنالاستىرۋدا بەلگىلەنگەن نورمالار مەن ەرەجەلەردى ساقتاۋعا شاقىرادى.