سپورتپەن تۇراقتى اينالىساتىن الماتىلىقتاردىڭ ۇلەسىن 2025 جىلعا قاراي 40%-كە دەيىن كوبەيتۋ كوزدەلىپ وتىر.
الماتى قالاسىن دامىتۋدىڭ 2025 جىلعا دەيىنگى باعدارلاماسىندا جانە 2030 جىلعا دەيىنگى ورتا مەرزىمدى پەرسپەكتيۆالاردا تۇرعىنداردىڭ سالاۋاتتى ءومىر سالتىنىڭ نەگىزگى قۇرامداس بولىگى رەتىندە دەنە شىنىقتىرۋ مەن سپورتتى دامىتۋعا ەرەكشە كوڭىل ءبولىندى. بۇل تۋرالى شاھار باسشىسى ەربولات دوسايەۆ الماتىنىڭ قالاسىنىڭ 2023-2025 جىلدارعا ارنالعان بيۋدجەت جوباسىن قاراۋ بارىسىندا ايتتى، دەپ حابارلايدى Almaty-akshamy.kz.
باعدارلاما شەڭبەرىندە دەنە شىنىقتىرۋمەن جانە سپورتپەن تۇراقتى اينالىساتىن الماتىلىقتاردىڭ ۇلەسىن 2025 جىلعا قاراي 40%-عا دەيىن كوبەيتۋ، سونداي-اق 2025 جىلعا قاراي سپورتتىق ينفراقۇرىلىم الاڭدارىن 55 مىڭ شارشى مەترگە ۇلعايتۋ جوسپارلانعان.
«ماسەلەن، بيىل جالپى اۋدانى 14،3 مىڭ شارشى مەتر بولاتىن 3 سپورت كەشەنى ىسكە قوسىلدى. 2023 جىلى تاعى 3-ەۋىن سالۋ جانە ءۇش اۋداندا سپورت كەشەندەرىنىڭ جوبالاۋ-سمەتالىق قۇجاتتامالارىن (500 ملن. تەڭگە) ازىرلەۋ جوسپارلانۋدا»، - دەدى ەربولات دوسايەۆ.
اكىمنىڭ ايتۋىنشا، كوشەدەگى سپورتتىق ينفراقۇرىلىمدى دامىتۋ اياسىندا: ءموبيلدى سكالودرومدار مەن سكەيتپاركتەر، ستريتبول، ۆوركاۋت الاڭدارى، ورەn اir فيتنەس جانە ۆمح تراسسالارى سالىنادى. وسىلارعا 790 ملن. تەڭگە قاراستىرىلعان.
«كەلەسى جىلدان باستاپ كوماندالىق سپورت تۇرلەرىنەن (فۋتبول، باسكەتبول، ۆولەيبول جانە ت.ب.) ستۋدەنتتەر مەن مەكتەپ ليگالارىن قۇرامىز.وسى شارالاردىڭ بارلىعى حالىقتىڭ سپورتپەن شۇعىلدانۋ دەڭگەيىن ارتتىرۋعا جانە جابىق سپورت وبەكتىلەرىنىڭ تاپشىلىعىن ازايتۋعا مۇمكىندىك بەرەدى»،- دەدى ەربولات دوسايەۆ.