جاستاردىڭ دامۋى مەن ءوزىن-وزى جەتىلدىرۋى ءۇشىن تەڭ مۇمكىندىكتەر جاسالماق.
بۇل تۋرالى قالا اكىمى ەربولات دوسايەۆ ءماسليحات سەسسياسىندا الماتىنىڭ قالاسىنىڭ 2023-2025 جىلدارعا ارنالعان بيۋدجەت جوباسىن قاراۋ بارىسىندا ايتتى، دەپ حابارلايدى Almaty-akshamy.kz.
جاستاردى قولداۋ سالاسىندا دامۋ باعدارلاماسىنىڭ باسىم مىندەتى جاستاردى جۇمىسقا ورنالاستىرۋ مەن الەۋمەتتەندىرۋگە باعىتتالعان جوبالار مەن باستامالاردى ىسكە اسىرۋ ارقىلى NEET ۇلەسىن 2022 جىلعى 6،1%-تەن 2025 جىلى 4،5%-كە دەيىن ازايتۋ بولىپ تابىلادى.
كەلەسى جىلى جۇمىسقا ورنالاستىرۋ (جىلىنا كەمىندە 10 مىڭ جاس ازامات) جانە ەڭبەك نارىعىندا سۇرانىسقا يە كاسىپتەر بويىنشا قىسقا مەرزىمدى وقىتۋ (جىلىنا كەمىندە 10 مىڭ) جوبالارىن ىسكە اسىرۋ جوسپارلانۋدا. وسى شارالارعا 2023 جىلعى بيۋدجەتكە 800 ملن. تەڭگە سالىندى.
سونداي-اق 2023 جىلى 8 زاماناۋي كوميۋنيتي-ورتالىق (2025 جىلعا دەيىن قوسىمشا 8) قۇرۋ جوسپارلانۋدا. بۇل قوعامدىق كەڭىستىكتەر جاستارعا ارنالعان قىزمەتتەردى (جۇمىسقا ورنالاسۋ، كاسىپكەرلىك، پسيحولوگيالىق جانە زاڭ كومەگى جانە ت.ب. بويىنشا كونسۋلتاسيالار) ءبىر جەردە بىرىكتىرىپ، جاستاردى الەۋمەتتەندىرۋ جانە قوعام ومىرىنە تارتۋ ورنىنا اينالۋى ءتيىس. اتالعان شارالاردى ىسكە اسىرۋعا 2023 جىلدىڭ بيۋدجەتىنە 1،4 ملرد. تەڭگە سالىندى.