- بالالارىمىزدىڭ قاۋىپسىزدىگىن قامتاماسىز ەتۋ ەڭ ماڭىزدى باسىمدىقتاردىڭ ءبىرى بولىپ تابىلادى، - دەدى قالا اكىمى ە.دوسايەۆ.
كەلەسى وقۋ جىلىنىڭ باسىندا بارلىق مەملەكەتتىك مەكتەپتەردە «دابىل تۇيمەلەرىمەن»، وتكىزۋ جۇيەسىمەن (تۋرنيكەتتەر)، ءورت قاۋىپسىزدىگى جۇيەسىمەن، پوليسيا دەپارتامەنتىنىڭ جەدەل باسقارۋ ورتالىقتارىمەن بايلانىستىرىلاتىن بەينەباقىلاۋ كامەرالارىمەن جابدىقتالعان كەشەندى قاۋىپسىزدىك جۇيەسى ەنگىزىلەتىن بولادى. اتالعان جوباعا جالپى سوماسى 4،9 ملرد. تەڭگە جۇمساي وتىرىپ، ءۇش جىلدىق سەرۆيستىك مودەل اياسىندا قارجىلاندىرۋدى جوسپارلاپ وتىرمىز. 2023 جىلعا ارنالعان بيۋدجەت جوباسىندا وسى ماقساتقا 1،6 ملرد. تەڭگە كوزدەلدى.
2023 جىلى قالامىزدىڭ بارلىق اۋداندارىنداعى 29 مەكتەپتە 7،7 مىڭ وقۋشىعا ارنالعان «مەكتەپ اۆتوبۋسى» پيلوتتىق جوباسى ىسكە قوسىلادى.
2023 جىلدىڭ I توقسانىندا 100 جاڭا مەكتەپ اۆتوبۋسى جەتكىزىلىپ، زاماناۋي قاۋىپسىزدىك جۇيەسىمەن جابدىقتالادى. تاسىمالداۋ قىزمەتتەرىنە 1،4 ملرد. تەڭگە ءبولۋ جوسپارلانىپ وتىر.