1 ماۋسىمدا الماتىدا حالىقارالىق بالالاردى قورعاۋ كۇنىنە وراي قالانىڭ جاس تۇرعىندارى مەن قوناقتارى ءۇشىن كونسەرتتەر، فەستيۆالدار، تانىمدىق جانە مادەني-دەمالىس باعدارلامالارى، ينتەراكتيۆتى الاڭدار، شىعارماشىلىق شەبەرلىك سىنىپتارى مەن قايىرىمدىلىق اكسيالارىن قامتيتىن اۋقىمدى مەرەكەلىك ءىس-شارالار وتەدى.
باستى وقيعا «بALAFEST، JARYQ SKILL FEST» قالالىق بالالار فەستيۆالى بولماق. جاس ۇرپاقتىڭ شىعارماشىلىق، ينتەللەكتۋالدىق جانە تۇلعالىق الەۋەتىن دامىتۋعا باعىتتالعان ءىس-شارا ءاليا مولداعۇلوۆا مەن مانشۇك مامەتوۆا اتىنداعى سكۆەردە ساعات 12:00-دەن 16:00-گە دەيىن وتەدى. فەستيۆال مىڭنان استام قاتىسۋشىنى، ونىڭ ىشىندە 300 مىڭنان استام وقۋشى قاتىسقان «BALAFEST» بايقاۋىنىڭ جەڭىمپازدارىن بىرىكتىرەدى. فەستيۆالدىڭ تۇجىرىمداماسى – فۋتۋريستىك «بولاشاق قالاسى»، وندا بالالار ەكولوگياعا، مادەنيەتكە، داستۇرلەرگە، تەحنولوگيالارعا جانە كاسىپتەرگە ارنالعان تاقىرىپتىق ايماقتارعا بارا الادى. قاتىسۋشىلاردى شەبەرلىك- سىنىپتارى، كۆەستتەر، ينتەراكتيۆتى ساباقتار، سونداي-اق سىيلىقتارعا ايىرباستاۋعا بولاتىن ويىن ۆاليۋتاسى كۇتەدى.
سونىمەن قاتار، 1 ماۋسىمدا گوركيي اتىنداعى ورتالىق مادەنيەت جانە دەمالىس ساياباعىندا «Bala Star Almaty» وتباسىلىق فەستيۆال-كونسەرتى وتەدى. كونسەرتتىك باعدارلاما ساعات 11:00-دە باستالادى. وعان قازاقستاندىق ەسترادا جۇلدىزدارى - روزا رىمبايەۆا، جارقىناي حانايىم، ايگۇل قوسانوۆا، دينايا، سونداي-اق جاس ورىنداۋشىلار مەن شىعارماشىلىق ۇجىمدار: السۋ ۋلحانوۆا، شەرحان ارىستان، ناعاشىباي ميراس، «سارمات»، «گۇلستان» انسامبلدەرى جانە «بوزتورعاي» ۆوكالدىق ستۋدياسى قاتىسادى. كەلۋشىلەرگە قالانىڭ حورەوگرافيالىق ستۋديالارىنان 200-دەن استام بالانىڭ قاتىسۋىمەن «الماتى جۇرەگىمدە» مەرەكەلىك فلەشموبى ۇسىنىلادى. مەرەكەلىك اتموسفەرانى قولدانبالى ونەر، وتباسىلىق كاراوكە جانە باسقا دا ويىن-ساۋىقتار بويىنشا شەبەرلىك سىنىپتارى بار ينتەراكتيۆتى ايماقتار جاسايدى. قۋىرشاق تەاترىنىڭ ارتيستەرى ۇسىناتىن باعدارلاما بالالاردىڭ ەرەكشە قىزىعۋشىلىعىن تۋدىرادى.
Almaty Gallery كىشى زالىندا 1 ماۋسىمدا ساعات 12:00-دە جاس سۋرەتشى راۋانا ولجاستىڭ «مەنىڭ بالالىق شاعىمنىڭ پاليتراسى» اتتى جەكە كورمەسى اشىلادى. ەكسپوزيسيادا حالىقارالىق بايقاۋلارعا قاتىسۋشى جاساعان جارقىن پەيزاجدار، ناتيۋرمورتتار مەن سيۋجەتتىك كومپوزيسيالار ۇسىنىلادى. كورمە 15 ماۋسىمعا دەيىن اشىق بولادى.
باستاۋىش سىنىپ وقۋشىلارىنا ارنالعان تانىمدىق ءىس-شارا الماتى قالاسىنىڭ تاريحى مۇراجايىندا وتەدى. كۇنى بويى مۇندا «جاس ارحەولوگ» ويىنى ۇيىمداستىرىلادى، ونىڭ بارىسىندا بالالار ارحەولوگيا نەگىزدەرىمەن تانىسادى، ارحەولوگيالىق قازبا پروسەسىن كورەدى جانە ەجەلگى ارتەفاكتىلەردىڭ كوشىرمەلەرىمەن جۇمىس ىستەيدى. باعدارلامانى مۇراجايدىڭ اعا عىلىمي قىزمەتكەرى م. م. نۇرپەيىسوۆ جۇرگىزەدى.
ارنايى مەرەكەلىك باعدارلاما قالالىق كىتاپحانالاردا دا وتەدى. 1 ماۋسىم كۇنى ساعات 10:00-دەن باستاپ ماحاتما گاندي اتىنداعى ساياباقتا №4 كىتاپحانانىڭ قاتىسۋىمەن «الماتى – باقىتتى بالالار قالاسى» اتتى اۋقىمدى مەرەكە باستالادى. بالالاردى شىعارماشىلىق شەبەرحانالار، كورمەلەر، جازۋشىلارمەن كەزدەسۋلەر جانە بۋككروسسينگ كۇتەدى. ي. ا. كرىلوۆ اتىنداعى بالالار كىتاپحاناسىندا تەاترلاندىرىلعان قويىلىمدار، كونسەرت، كوڭىلدى كۆەستتەر جانە بالالار جازۋشىسى ماعيرا قوجاحمەتوۆامەن شىعارماشىلىق كەزدەسۋ وتەدى. جامبىل اتىنداعى جاسوسپىرىمدەر كىتاپحاناسىندا № 92 مامانداندىرىلعان ليسەيدىڭ وقۋشىلارى ادەبي وقۋلارعا، بايقاۋلارعا جانە كوركەمدىك ءىس-شارالارعا قاتىسادى. 2 ماۋسىمدا س. بەگالين اتىنداعى ورتالىق قالالىق بالالار كىتاپحاناسىندا تەاترلاندىرىلعان قويىلىممەن، شەبەرلىك سىنىپتارىمەن، فلەشموبپەن جانە حايۋاناتتار باعىمەن بايلانىستىراتىن «كىتاپ جازى» مەرەكەسى وتەدى.
1 ماۋسىمدا الماتى حايۋاناتتار باعىنىڭ بازاسىندا جازعى زووباق - 9 جاستان 16 جاسقا دەيىنگى وقۋشىلارعا ارنالعان ءبىلىم بەرۋ جوباسى جۇمىس ىستەي باستايدى. باعدارلاما ەكولوگيالىق مادەنيەتتى دامىتۋعا، زوولوگياعا، بيولوگياعا جانە قورشاعان ورتانى قورعاۋعا قىزىعۋشىلىقتى قالىپتاستىرۋعا باعىتتالعان. جاز بويى قاتىسۋشىلار تەوريالىق جانە پراكتيكالىق ساباقتارعا قاتىسادى، حايۋاناتتار باعى قىزمەتكەرلەرىنىڭ كۇندەلىكتى جۇمىسىمەن تانىسادى، جانۋارلاردى باقىلايدى جانە ولارعا كۇتىم جاساۋ نەگىزدەرىن مەڭگەرەدى. ساباقتار تەگىن نەگىزدە وتەدى جانە ونى حايۋاناتتار باعىنىڭ ماماندارى - زوولوگتار، ۆەتەرينارلار مەن پەداگوگتار جۇرگىزەدى. كۋرستارعا تاقىرىپتىق دارىستەر، ەكسكۋرسيالار، شەبەرحانالار جانە ينتەراكتيۆتى ساباقتار كىرەدى. قاتىسۋ ءۇشىن «مەن نەلىكتەن حايۋاناتتار باعىندا وقىعىم كەلەدى» تاقىرىبىندا ەسسە جازۋ قاجەت بولدى.
سونداي-اق، مەرەكە اياسىندا 30 مامىردا ساعات 12:00-دە قازاق مەملەكەتتىك سيركىندە «PRO سيرك» قايىرىمدىلىق شوۋى وتەدى. قويىلىمعا از قامتىلعان جانە كوپبالالى وتباسىلاردان شىققان بالالار، ەرەكشە قاجەتتىلىكتەرى بار بالالار جانە حالىقتىڭ موبيلدىلىگى تومەن توپتارىنىڭ وكىلدەرى شاقىرىلدى. 1700 - دەن استام كورەرمەن سيركتىڭ ۇزدىك ارتىستەرىنىڭ، سونىڭ ىشىندە اۋە اكروباتتارىنىڭ، يلليۋزيونيستەردىڭ جانە جۇلدىزدى قوناق دانا زاپاشنىي جانە ونىڭ بونيا ەسىمدى ۇيرەتىلگەنشيمپانزەسىنىڭ قاتىسۋىمەن جارقىن باعدارلامانى تەگىن تاماشالاي الادى.
الماتىدا حالىقارالىق بالالاردى قورعاۋ كۇنى جىلۋلىق، قامقورلىق پەن شىعارماشىلىق شابىتقا تولى ناعىز جارقىن مەرەكە بولماق. بارلىق اتالعان ءىس-شارالار بالالار ءۇشىن تەگىن وتەدى.
1 ماۋسىمدا مەرەكەلىك ءىس- شارالار قالانىڭ ءار اۋدانىندا وتەدى:
- -المالى اۋدانىندا ساعات 12:00-دە گاندي ساياباعىندا ويىندار، بايقاۋلار ۇيىمداستىرىلىپ، تاقىرىپتىق بالالار ءىس-شاراسى وتەدى. انيماتورلار تانىمال بالالار مۋلتفيلمدەرىنە نەگىزدەلگەن ويىنداردى كورسەتەدى. \مەرەكە كۇنى ساياباق قوناقتارى ويىن-ساۋىق شوۋ-باعدارلاماسى مەن مۇرات مۋتۋرگانوۆتىڭ سيرك قويىلىمىن تاماشالايتىن بولادى.
- -الاتاۋ اۋدانىندا ساعات 11:00-دە زەردەلى سكۆەرىندە (زەردەلى شاعىن اۋدانى، 180ا) بالالارعا ارنالعان مەرەكەلىك ءىس-شارا: كونسەرت، سيرك شوۋى جانە انيماتورلاردىڭ قاتىسۋىمەن ءتۇرلى ينتەراكتيۆتى ءىس-شارالار وتەدى.
- -اۋەزوۆ اۋدانىندا ساعات 18:00-دە Family park-تا اشىق اسپان استىنداعى ءمۋلتفيلمنىڭ مەرەكەلىك كورسەتىلىمى بولادى.
- -بوستاندىق اۋدانىندا مەرەكەلىك ءىس-شارالار (كونسەرتتىك باعدارلاما، بالالار جارىسى، شەبەرلىك سىنىپتارى) تۇڭعىش پرەزيدەنت ساياباعىندا ساعات 10:00-دەن باستاپ وتەدى.
- -جەتىسۋ اۋدانىندا ساعات 10:00-دە قۇلاگەر شاعىن اۋدانىندا كونسەرتتىك باعدارلاما ۇيىمداستىرىلادى جانە انيماتورلاردىڭ قاتىسۋىمەن «Jetisu Fest» فەستيۆالى وتەدى.
- -تۇركسىب اۋدانىنداعى مەرەكە 10:00-دە سەيفۋللين داڭعىلى، 13/1 مەكەنجايداعى №6 وقۋشىلار ءۇيىنىڭ الدىندا وتەدى.
- -مەدەۋ اۋدانىندا ساعات 11:00-دە ورتالىق مادەنيەت جانە دەمالىس ساياباعىندا بالالاردى كونسەرتتىك باعدارلاما كۇتەدى.
- -ناۋرىزباي اۋدانىندا ساعات 18:00-دە اكىمدىك جانىنداعى امفيتەاتردا بالالارعا ارنالعان ويىن-ساۋىق باعدارلاماسى بار «اشىق اسپان استىنداعى كينو كەشى» وتەدى.