ولار اكىمشىلىك جاۋاپكەرشىلىككە تارتىلدى، دەپ حابارلايدى aqshamnews.kz
بۇل تۋرالى ىشكى ىستەر مينيسترلىگى اكىمشىلىك پوليسيا كوميتەتى ءتوراعاسىنىڭ ورىنباسارى الەكسەي ميليۋك ايتتى.
بىلتىر زاڭناماعا جۇيەلى تۇردە كەمسىتۋ مەن قىسىم كورسەتۋگە قاتىستى وزگەرىستەر ەنگىزىلگەن بولاتىن. بيىل 145 ادام اكىمشىلىك جاۋاپكەرشىلىككە تارتىلعان.
"مينيسترلىك قۇقىقبۇزۋشىلىقتاردىڭ الدىن الۋعا باعىتتالعان جاڭا زاڭ جوباسىن ازىرلەدى. بۇل قۇجاتتا كامەلەتكە تولماعاندار اراسىنداعى قىلمىستىڭ الدىن الۋ ماسەلەلەرىنە جەكە ءبولىم ارنالعان. وسى زاڭ جوباسى اياسىندا جاسوسپىرىمدەرگە قۇقىقتىق، الەۋمەتتىك، پسيحولوگيالىق جانە پەداگوگيكالىق كومەك كورسەتۋ بويىنشا مەملەكەتتىك ورگانداردىڭ وكىلەتتىكتەرى قايتا قارالادى. پروفيلاكتيكالىق باقىلاۋعا الىناتىن تۇلعالار ساناتى جاڭارتىلدى"، – دەدى الەكسەي ميليۋك ورتالىق كوممۋنيكاسيالار قىزمەتىندەگى بريفينگتە.