بالا امان-ەسەن اتا-اناسىنا تابىستالدى.
الماتى پوليسياسى جوعالىپ كەتكەن 8 جاستاعى بەللا ميرونوۆانىڭ تابىلعانىن ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
«وقۋشى قىز بوستاندىق اۋدانى اۋماعىنان امان-ەسەن تابىلدى. ول قىدىرىپ جۇرگەن. ونىڭ مەكتەپ سومكەسى مەكتەپ جانىنداعى تۇرعىن ءۇيدىڭ اۋلاسىنان تابىلدى. بالانى امان-ەسەن اتا-اناسىنا تابىستادىق»، - دەدى الماتى قالالىق پوليسيا دەپارتامەنتىنىڭ رەسمي وكىلى سالتانات ازىربەك.
ايتا كەتەيىك، وقۋشى قىزدىڭ جوعالعانى تۋرالى اقپارات WhatsApp جەلىسى ارقىلى تاراپ جاتىر.
حابارلامادا كىشكەنتاي قىزدىڭ №34 ورتا مەكتەپتە وقيتىنى جازىلعان.
26 ءساۋىر كۇنى بەلگىسىز باعىتتا كەتكەن قىزدىڭ اتا-اناسى پوليسياعا جۇگىنگەن.
وقۋشىنى ىزدەۋگە ۋچاسكەلىك ينسپەكتورلار، يۋۆەنالدىق پوليسەيلەر، جەدەل ۋاكىلدەر مەن باسقا دا قىزمەتتەردىڭ قىزمەتكەرلەرى جۇمىلدىرىلدى.