كورمە ايەل بەينەسىنە جانە قازاق حالقىنىڭ ەرلىككە تولى وتكەن تاريحىنا ارنالعان.
ءابىلحان قاستەيەۆ اتىنداعى ق ر مەملەكەتتىك ونەر مۋزەيىندە گۇلمارال تاتىبايەۆانىڭ «ساعىنىش» اتتى جەكە كورمەسى اشىلدى، دەپ حابارلايدى اlmaty-akshamy.kz.
كورمە ايەل بەينەسىنە جانە قازاق حالقىنىڭ ەرلىككە تولى وتكەن تاريحىنا ارنالعان. اۆتور بۇل تاقىرىپتاردى جان-جاقتى، كوپ قىرلى ماعىنادا قاراستىرادى. ەكسپوزيسيادا ەلۋدەن استام تۋىندى ۇسىنىلعان. ولاردىڭ اراسىندا ينستاللياسيا، كەسكىندەمە، گرافيكا بار. بۇل سۋرەتشىنىڭ ونىنشى جەكە كورمەسى.
«مەن انا سۇتىمەن حالقىمىزدىڭ مادەني قۇندىلىقتارىن ءسىڭىرىپ، وسكەن قازاق وتباسىندا دۇنيەگە كەلدىم. بۇل تۋرالى ويلانا وتىرىپ، مەن قازاق ايەلىنىڭ جيناقتالعان بەينەسىندە قيىن-قىستاۋ زاماندا ءومىر سۇرۋگە مۇمكىندىك بەرەتىن قاسيەتتەردىڭ شوعىرى بار دەگەن قورىتىندىعا كەلەمىن» دەيدى كورمە اۆتورى.
كورەرمەندەردىڭ نازارىنا «Great QAMZOL» جانە «اڭىز» تاقىرىپتىق تۇجىرىمداماسىمەن ۇندەسەتىن ەكى ينستاللياسيا ۇسىنىلدى. بۇل جۇمىستاردا ايەل بەينەسى كۇش پەن توزىمدىلىكتىڭ يەسى رەتىندەگى بەينەلەنگەن.
«بۇل ينستاللياسيانى جاساۋ ءۇشىن مەنى ومىردەگى ەرەن ەڭبەگىمەن تاڭ قالدىراتىن ايەلدەر شابىتتاندىردى. مەنىڭ جولىمدا ولار كەزدەيسوق كەزدەسكەن جوق دەپ ويلايمىن. ولاردىڭ بارلىعى باتىلدىق، جوعارى رۋحاني جانە سونىمەن بىرگە بيازىلىق، تەرەڭ دانالىق پەن جانقيارلىق قاسيەتتەردىڭ ۇلگىسى. مەن بۇل كەزدەسۋلەر ءۇشىن تاعدىرىما العىسىم شەكسىز. مەن ولاردىڭ بەينەلەرىن اق كەنەپتەرگە تۇسىرگىم كەلدى. قازاق حالقىنىڭ ءتۇس سيمۆوليزمىندە اق ءتۇس – جوعارى الەمنىڭ ءتۇسى، تازالىق پەن سەنىمنىڭ ءتۇسى. ءداپ وسى اق ماتادان قازاق شەبەرلەرى ايەلدەردىڭ باس كيىمى – كيمەشەكتى تىككەن، - دەيدى گۇلمارال امانگەلدى قىزى.
بۇل كەسكىندەردى جاساۋ ءۇشىن سۋرەتشى سيانوتيپ تەحنيكاسىن قولدانادى. گۇلمارالدى قايىڭ قابىعىنىڭ باي قۇرىلىمى، ءتۇرلى-تۇستى رەڭكتەرى، ونىڭ كەڭ ساندىك مۇمكىندىكتەرى شابىتتاندىرادى.
گۇلمارال ءوزىنىڭ شىعارماشىلىعى ارقىلى اتا-بابالارىنىڭ باسىنا تۇسكەن سۇراپىل تاعدىرىنىڭ تاريحىن جەتكىزۋگە تىرىسادى.
تاتىبايەۆانىڭ شىعارمالارى رەسپۋبليكامىزدىڭ، تاياۋ جانە الىس شەت ەلدەردىڭ مۋزەيلەرىندە جانە جەكە كوللەكسيالارىندا ساقتاۋلى. كورمە 2023 جىلعى 7 ماۋسىمعا دەيىن جالعاسادى.