«اشىق» نقا پورتالىندا جاريالانعان تۇجىرىمداما بىرنەشە ماڭىزدى باعىتتى قامتىعان.
ىشكى ىستەر مينيسترلىگى «قوعاممەن ارىپتەستىكتە قوعامدىق قاۋىپسىزدىكتى قامتاماسىز ەتۋدىڭ 2024-2028 جىلدارعا ارنالعان تۇجىرىمداماسىن» اشىق تالقىلاۋعا شىعاردى، دەپ حابارلايدى اlmaty-akshamy.kz.
«اشىق» نقا پورتالىندا جاريالانعان تۇجىرىمداما بىرنەشە ماڭىزدى باعىتتى قامتىعان. ءتورتجىلدىق جوسپار تۇرعىندار قاۋىپسىزدىگى جانە ازاماتتاردىڭ قۇقىق قورعاۋ قىزمەتكەرلەرىمەن ارىپتەستىكتە جۇمىس ىستەۋىنە نەگىزدەلگەن.
«وسى جوبانى قابىلداۋ ونىڭ بارلىق سۋبەكتىلەرىنىڭ ورتاق جاۋاپكەرشىلىگى نەگىزىندە قۇقىق بۇزۋشىلىق پروفيلاكتيكاسىنىڭ تۇتاس جۇيەسىن قۇرۋ ارقىلى قوعامدىق قاۋىپسىزدىكتى قامتاماسىز ەتۋ جونىندەگى شارالاردىڭ تيىمدىلىگىن ارتتىرۋعا مۇمكىندىك بەرەدى. ىسكە اسىرىلىپ جاتقان شارالار جاھاندىق بەيبىتشىلىك يندەكسىنىڭ، «WJP Rule of Law Index» زاڭ ۇستەمدىگى يندەكسىنىڭ، جول-كولىك جاراقاتتارى جونىندەگى دۇنيەجۇزىلىك دەنساۋلىق ساقتاۋ ۇيىمىنىڭ رەيتينگتەرىندەگى پوزيسيانى جاقسارتۋعا مۇمكىندىك بەرەدى»، - دەلىنگەن قۇجاتتا.
تۇجىرىمدامانى ىسكە اسىرۋ اياسىندا مىنا شارالار قولعا الىنادى:
- زورلىق-زومبىلىق قۇرباندارىنا (ايەلدەرگە، بالالارعا، قارتتارعا) كەشەندى كومەك كورسەتۋ قاجەتتىلىگىن ەسكەرە وتىرىپ، وڭىرلەردە داعدارىس ورتالىقتارى جەلىسىن كەڭەيتۋ؛
- قوعامدىق ۇيىمدارمەن جانە قايراتكەرلەرمەن بىرلەسە وتىرىپ، داعدارىس ورتالىقتارى جۇمىسىنىڭ ارناۋلى الەۋمەتتىك قىزمەتتەر كورسەتۋ ستاندارتىنا سايكەستىگىنە تۇراقتى مونيتورينگ جۇرگىزۋ پراكتيكاسىن ەنگىزۋ؛
- نەكەنى بۇزۋ پروسەستەرىندە وتباسىلىق داۋلار مەن جانجالدار بويىنشا تەگىن مەدياسيا ءراسىمىن ەنگىزۋ؛
- ءتيىستى ستاندارتتى ازىرلەي وتىرىپ، وتباسىلىق- تۇرمىستىق جانجالدار كەزىندە اگرەسسورلاردىڭ مىنەز-قۇلقىن تۇزەتۋ بويىنشا پسيحولوگيالىق كومەك كورسەتۋ باعدارلامالارىن ەنگىزۋ؛
- بەس جىلداعى ايەلدەر مەن بالالارعا قاتىستى زورلىق-زومبىلىقتىڭ اۋقىمىنىڭ، سەبەپتەرى مەن سالدارىنىڭ ديناميكاسى، سونداي-اق ولاردىڭ الدىن الۋ جونىندەگى شارالاردىڭ تيىمدىلىگى تۋرالى زەرتتەۋ جۇرگىزۋ (بۇۇ-نىڭ قازاقستانداعى بەيىندى اگەنتتىكتەرىمەن ىنتىماقتاستىقتا كەلىسىم بويىنشا)؛
- ابونەنتتىك قۇرىلعىلاردى تىركەۋ قاعيدالارىن ساقتاماعانى ءۇشىن ۇيالى بايلانىس وپەراتورلارىنىڭ جاۋاپكەرشىلىگىن ەنگىزۋ؛
- قازاقستاننىڭ ەۋروپا كەڭەسىنىڭ كومپيۋتەرلىك قىلمىسقا قارسى كونۆەنسياسىنا قوسىلۋى؛
- الكوگول جانە ەسىرتكى بويىنشا ەۋروپالىق مەكتەپتەگى زەرتتەۋلەر جوباسىنىڭ (ESPAD) ءادىسناماسى بويىنشا 14-18 جاس ارالىعىنداعى وقۋشىلار اراسىندا پسيحيكالىق بەلسەندى قولدانۋدىڭ تارالۋىن باعالاۋ بويىنشا جىلىنا كەمىندە 1 رەت تۇراقتى مونيتورينگ ءراسىمىن ەنگىزۋ جانە تاعى دا باسقا شارالار كەشەنى.
ىشكى ىستەر مينيسترلىگىنىڭ مالىمەتىنە ساي، وسى جۇمىستاردى ورىنداۋ ناتيجەسىندە كوشەدە جالعىز جۇرگەندە ءوزىن تولىق ءقاۋىپسىز سەزىنەتىن ادامدار ۇلەسىن 2028 جىلعا دەيىن 63،6%-عا جەتكىزۋ جوسپارلانعان.
سونىمەن قاتار، 2030 جىلعا قاراي 100 مىڭ تۇرعىنعا شاققاندا جول-كولىك وقيعالارى كەزىندە قايتىس بولعاندار سانى 10،3-كە دەيىن تومەندەتۋ كوزدەلىپ وتىر.
بۇعان قوسا، الەمدىك بەيبىتشىلىك يندەكسى رەيتينگىندەگى قازاقستاننىڭ پوزيسياسىن 85-ورىننان 60-ورىنعا دەيىن جوعارىلاتۋ.
قۇجاتتىڭ تولىق ءماتىنىن مىنا سىلتەمە بويىنشا ءوتىپ، كورۋگە بولادى.