26-28 ساۋىردە الماتىدا "گينەكولوگيالىق ىسىكتەردى ەمدەۋدەگى زاماناۋي ءتاسىل" تاقىرىبىندا ەۋرازيالىق سامميت وتەدى، دەپ حابارلايدى Almaty-akshamy.kz.
جيىندا گينەكولوگيالىق ىسىكتەردى دياگنوستيكالاۋ مەن ەمدەۋدىڭ وزەكتى ماسەلەلەرى، گينەكولوگيالىق قاتەرلى ىسىكپەن اۋىراتىن پاسيەنتتەرگە كومەك كورسەتۋدىڭ كلينيكالىق جاعدايلارى مەن پەرسپەكتيۆالارى، سونداي-اق جاتىر موينى وبىرىنىڭ پروفيلاكتيكاسى، ونىڭ ىشىندە قىزداردى اپۆ-عا قارسى ۆاكسيناسيالاۋ تالقىلانادى.
ءىس-شارانى ق ر دەنساۋلىق ساقتاۋ مينيسترلىگى، ق ر دسم قازاق ونكولوگيا جانە راديولوگيا عزي، حالىقارالىق گينەكولوگيالىق وبىر قوعامىمەن (IGCS) جانە امەريكاندىق-ەۋرازيالىق ونكولوگيالىق اليانسپەن (AECA) بىرلەسىپ قازاقستان ونكولوگتار قاۋىمداستىعى ۇيىمداستىرادى.
ءسامميتتىڭ جۇمىسىنا اقش، يتاليا، تۇركيا، گرۋزيا، يسپانيا، اۆستراليا، ۇلىبريتانيا، كورەيا جانە ت.ب. ەلدەردەن 300-دەن استام ونكوگينەكولوگ، ونكولوگ، ساۋلەلىك دياگنوستيكتەر، تەراپيەۆتەر، پاتومورفولوگتار قاتىسادى دەپ جوسپارلانعان.
فورۋمنىڭ شەڭبەرىندە جاتىر موينى وبىرىن جويۋ جانە دەنساۋلىق ساقتاۋ مينيسترلىگىنەن، حالىقارالىق ۇيىمداردان، عىلىمي زيالى قاۋىم وكىلدەرىنەن قازاقستاندا پاللياتيۆتىك كومەككە قول جەتكىزۋ پروبلەمالارىن شەشۋ جونىندەگى ساياساتتى قالىپتاستىراتىن سالا كوشباسشىلارىنىڭ قاتىسۋىمەن دوڭگەلەك ۇستەل فورماتىندا پىكىرتالاس الاڭدارى ۇيىمداستىرىلادى.
ءسامميتتىڭ جۇمىسىنا ق ر دەنساۋلىق ساقتاۋ مينيسترلىگىنىڭ باسشىلارى، دۇنيەجۇزىلىك دەنساۋلىق ساقتاۋ ۇيىمىنىڭ، وبىردى زەرتتەۋ جونىندەگى حالىقارالىق اگەنتتىكتىڭ (IARC)، ەۋروپالىق مەديسينالىق ونكولوگيا قوعامىنىڭ، بۇۇ-نىڭ حالىق سالاسىنداعى قورىنىڭ، حوسپيستىك پاللياتيۆتىك كومەكتىڭ دۇنيەجۇزىلىك اليانسىنىڭ جانە باسقا دا كوپتەگەن وكىلدەرى قاتىسادى.