وڭتۇستىك كورەيا مەن كۋۆەيت، ءۇندىستان مەن وزبەكستان جانە ەلىمىزدىڭ ەكى كومانداسى ءبىر اپتا بويى دوستىق سپورت كەشەنىندە سىنعا ءتۇسىپ، جەڭىمپازدار انىقتالدى.
باس جۇلدە سەۋلدەن كەلگەن شيۋگار گيل-دەرس، كومانداسىنا بۇيىردى، دەپ حابارلايدى Almaty-akshamy.kz.
24.kzء-تىڭ حابارلاۋىنشا، كورەيالىقتار بارلىق ويىندا ۇپايدان، شاشاۋ شىعارعان جوق. ەل نامىسىن قورعاعان قىزىلوردانىڭ «قايسارى» كۇمىس جۇلدە ەنشىلەدى. قولا مەدال ءۇندىستاننان كەلگەن «ت-سپورت» كومانداسىنىڭ قانجىعاسىندا كەتتى. ەندى قول دوبى شەبەرلەرى، ءبىراز تىنىعىپ العان سوڭ ۇلتتىق قۇراما ساپىندا ازيا ويىندارى مەن وليمپيادالىق ىرىكتەۋ جارىستارىنا دايىندىقتى باستايدى.
ال الماتىدا اياقتالعان ازيا بىرىنشىلىگىندە «قايسار» كومانداسىنىڭ شابۋىلشىسى ۆەرونيكا حار-دينا ۇزدىك ويىنشى اتاندى.
«ءدال ءقازىر مۇنداي جارىستار بىزگە اۋاداي قاجەت. ويتكەنى بايراقتى باسەكەلەردىڭ قارساڭىندا تاجىريبە الماسىپ، شەبەرلىكتى شىڭداپ الامىز. مىسالى وسى جارىسقا قاتىسقان كوماندالاردىڭ وسالى جوق. بۇرىن ىرىكتەۋدەن اسا الماي جۇرەتىن ءۇندىستاندىقتار بيىل قولاعا قول جەتكىزدى. وكىنىشكە وراي باس جۇلدەنى كورەيالىقتارعا بەرىپ قويدىق. ەندى ۇلتتىق قۇراما ساپىندا ەسە قايتارۋعا تىرىسامىز»، - ازيا بىرىنشىلىگىنىڭ ۇزدىك ويىنشىسى ۆەرونيكا حاردينا.