ءماجىلىستىڭ جالپى وتىرىسىندا دەپۋتات ەدىل جاڭبىرشين ەنەرگەتيكا ءمينيسترى الماسادام ساتقالييەۆ جىلۋمەن جابدىقتاۋ پروبلەمالارى بار قالالارعا نەگە بارمايتىنىن سۇرادى، - دەپ حابارلايدى Almaty-akshamy.kz.
«ەنەرگەتيكا ءمينيسترى ەكىباستۇزدا، ريددەرگە، تەمىرتاۋعا، كەنتاۋعا، ارقالىققا، ءتىپتى استاناعا دا بارعان جوق. سوندا ول قالاي جۇمىس ىستەيدى؟ ەنەرگەتيكا ءمينيسترىنىڭ جۇمىسى كابينەتتە وتىرۋمەن بىتپەيدى. ءوز اياعىمەن ءجۇرىپ، ءبارىن قولىمەن ۇستاپ، كوزبەن كورۋ كەرەك. ەنەرگەتيكا ءمينيسترى رەتىندە ايتىڭىزشى، قاي قالالار جىلۋ ماۋسىمىنا دايىن بولمايدى؟ مۇنداي تاۋەكەلدەر بار ما؟» - دەپ سۇرادى دەپۋتات.
بۇعان جاۋاپ رەتىندە الماسادام ساتقالييەۆ ماجىلىستە ءتۇرلى-تۇستى سىزبالارى بار قۇجاتتى كورسەتىپ:
«ءبىز ءقازىردىڭ وزىندە ساپار كەستەسىن ازىرلەدىك، بارلىق نىسانداردى جەرگىلىكتى اتقارۋشى ورگاندارمەن كەلىستىك. ونىڭ ۇستىنە رومان ۆاسيليەۆيچ (سكليار، پرەمەر-مينيستردىڭ ورىنباسارى) ول جاققا دا بارادى، وسىنىڭ بارلىعىن جوسپارلادىق. نەگە ءبىز ءالى بارماي وتىرمىز. سەبەبى كوپتەگەن نىسانداردا جوندەۋ جۇمىستارى ءالى باستالعان جوق. ءبىز جوندەۋ جۇمىستارىنىڭ باستالۋىن كۇتىپ وتىرمىز. بىزدە بارلىق جوندەۋ جۇمىستارىنىڭ كەستەسى بار، ونى باقىلاۋدا ۇستايمىز. مەندەگى كارتا بويىنشا، قىزىل ءتۇس - بۇل ءاربىر ەنەرگەتيكالىق نىسان ءۇشىن تاۋەكەل ايماعى، جاسىل، سارى - توزۋ دەڭگەيى، جاڭا نىسانداردىڭ قۇرىلىسى...».
«الماسادام مايدان ۇلى، ءسىز دايىن بولعانشا، قىس تا كەلەدى. ەگەر ءسىز كەستەنى جاساعان بولساڭىز، بىزگە ايتىڭىز. نەگە بىزگە تولىق كەستەنى ايتىپ وتىرسىز؟ قاي جەردە بولعانىڭىزدى، قانداي جاعدايلار بار ەكەنىن ايتساڭىز. دۇرىس سۇراق قويىلدى: قاي قالالاردا ءقاۋىپ بار؟» – دەپ قوشانوۆ دەپۋتاتتىڭ ساۋالىن قايتالادى.
ءمينيستردىڭ ايتۋىنشا، قازاقستان قالالارىنداعى جىلۋ ەلەكتر ستانسيالارىنىڭ ۇزىن-سونار ءتىزىمىن تىزبەكتەگەننەن كەيىن قوشانوۆ تاعى دا ءسوز الدى.
«جالپى، سۇراق دۇرىس قويىلدى. ءسىز پرەزيدەنتتىڭ ءوزى بارلىق نىساندارعا، جەو-عا، قازاندىقتارعا بارادى. وندا جوندەۋ جۇمىستارى باستالدى ما؟ جوق پا؟ قانداي پروبلەمالارى بار ەكەنىنە نازار اۋدارادى. ال ءسىز ازىرگە تەك كەستە جاسادىڭىز»، - دەدى قوشانوۆ.
بۇگىن ءماجىلىستىڭ جالپى وتىرىسىندا جوعارعى ەسەپ پالاتاسىنىڭ ءتوراعاسى ناتاليا گودۋنوۆا جىلۋمەن قامتاماسىز ەتۋ سالاسىنا جۇرگىزىلگەن ءاۋديتتىڭ قورىتىندىسىن، جىلۋ ءوندىرۋ جانە تاسىمالداۋ وبەكتىلەرىنىڭ تارتىلعان قارجى رەسۋرستارىن ماقساتتى پايدالانۋىن ءمالىم ەتتى. ونىڭ بايانداماسىنان ارقالىق جەو قاعاز جۇزىندە ىسكە قوسىلدى.