الماتىدا عالىم ايەلدەر تۋرالى ەنسيكلوپەديانىڭ تانىستىرىلىمى ءوتتى

عالىم ايەلدەر قوعامدىق بىرلەستىگىنىڭ جاڭا مۇشەلەرىنە كۋالىكتەر مەن العىس حاتتار تابىستالدى

ق ر ۇلتتىق كىتاپحاناسىندا قازاقستاندىق عالىم ايەلدەر قوعامىنىڭ ۇيىمداستۋىمەن «عالىم ايەلدەردىڭ زاماناۋي قازاقستاندىق قوعام دامۋىنا كوسقان ۇلەسى» اتتى دوڭگەلەك ۇستەل مەن «بەلگىلى قازاقستاندىق عالىم ايەلدەر قوعامى» ەنسيكلوپەديانىڭ تۇساۋكەسەرى ءراسىمى ءوتتى، دەپ حابارلايدى Almaty-akshamy.kz.
⠀
شارانى فيلولوگيا عىلىمدارىنىڭ دوكتورى، «قۇرمەت» جانە «پاراسات» وردەندەرىنىڭ يەگەرى، قازاقستاندىق عالىم ايەلدەر قوعامدىق بىرلەستىگىنىڭ پرەزيدەنتى اياپوۆا تاڭات تاڭىربەردى قىزى جانە پەداگوگيكا عىلىمدارىنىڭ كانديداتى، پروفەسسور يمانعوجينا ورىك زەينۋللا قىزى جۇرگىزدى.
⠀
شارادا قازاقستاندىق عالىم ايەلدەر قوعامدىق بىرلەستىگىنىڭ پرەزيدەنتى تاڭات اياپوۆا بىرلەستىكتىڭ جۇمىسىنا توقتالىپ، قاتىسۋشىلارعا العىسىن ءبىلدىردى. سونىمەن قاتار «بەلگىلى قازاقستاندىق عالىم ايەلدەر قوعامى» ەنسيكلوپەدياسىنىڭ تۇساۋكەسەر ءراسىمى جاسالىپ، قازاقستاندىق عالىم ايەلدەر قوعامدىق بىرلەستىگىنىڭ مۇشەلەرى مەن ق ر ۇلتتىق كىتاپحاناسىنىڭ قورىنا تابىستالدى.

⠀
جيىن بارىسىندا قازاقستان ەڭبەك ەرى، «التىن جۇلدىز»، «وتان» وردەندەرىنىڭ يەگەرى، پروفەسسور اياگۇل ميرازوۆا «قوعام دامۋىندا جاس ۇرپاق تاربيەسىندەگى قىز بالالار ۇلگىسى» تاقىرىبىندا بايانداما جاسادى. سونىمەپن قاتار قوعامداعى قازاق ايەلدەرىنىڭ الار ورىنى مەن ولاردىڭ قوعامنىڭ دامۋىنا قوسىپ جاتقان ۇلەسى جايلى باياندامالار جاسالدى.

دوڭگەلەك ۇستەل وفلاين جانە ونلاين فورماتىندا ءوتتى.

 شارا سوڭىندا قازاقستاندىق عالىم ايەلدەر قوعامدىق بىرلەستىگىنىڭ جاڭا مۇشەلەرىنە كۋالىكتەر مەن العىس حاتتار تابىستالدى.