2025 جىلى 28 اقپان مەن 2 ناۋرىز ارالىعىندا شىمبۇلاق تاۋ كۋرورتىندا فريستايلدان FIS الەم كۋبوگىنىڭ كەزەڭى ءوتتى، دەپ حابارلايدى aqshamnews.kz.
حالىقارالىق جارىستا فريستايلشىلار كەلەسىدەي ناتيجە كورسەتتى.
ەرلەر:
1 ورىن: KINGSBURY Mikael(كانادا)
3 ورىن: HORISHIMA Ikuma(جاپونيا)
ەرلەر:
3 ورىن: YANAGIMOTO Rino(جاپونيا)
موگۋل بويىنشا جارىستىڭ فينالدىق كەزەڭى قاتتى تۇمان بولۋ سەبەبىنەن وتكىزىلمەدى.
ايەلدەر اراسىنداعى جارىستىق ناتيجەلەرى ءبىرىنشى فينال بويىنشا (F1)، ال ەرلەردىكى باعىتتار ناتيجەلەرى بويىنشا انىقتالدى.
گورودكو اناستاسيا 6-ورىن، يۋليا گالىشيەۆا 7-ورىن، ال پاۆەل كولماكوۆ 5-ورىن الدى.
1 ناۋرىز «پاراللەل موگۋل» بويىنشا جارىس ءوتتى.
اناستاسيا گورودكو وسى باعىت بويىنشا جاقسى ونەر كورسەتىپ، 3-ورىن الدى.
«پاراللەل موگۋل» بويىنشا جەڭىمپازدار مەن جۇلدەگەرلەر:
ەرلەر:
1 ورىن: KINGSBURY Mikael(كانادا)
2 ورىن: HORISHIMA Ikuma(جاپونيا)
3 ورىن: GRAHAM Matt(اۆستراليا)
ايەلدەر:
1 ورىن: KAUF Jaelin(اقش)
2 ورىن: YANAGIMOTO Rino(جاپونيا)
3 ورىن: GORODKO Anastassiya(قازاقستان)
اناستاسيانى الەم كۋبوگىندا العان ەكىنشى مەدالىمەن قۇتتىقتايمىز. يۋليا گالىشيەۆا شيرەك فينالعا ءوتىپ، اناستاسيا گورودكوعا ەسە جىبەرىپ، 5-ورىن الدى. پاۆەل كولماكوۆ جارىس قورىتىندىسى بويىنشا 10-ورىنعا تۇراقتادى.
2 ناۋرىز “شاڭعى اكروباتيكاسى” بويىنشا جارىستار سپورتشىلاردىڭ ونەر كورسەتۋىمەن اياقتالدى.
جەڭىمپازدار مەن جۇلدەگەرلەر:
ەرلەر:
1 ورىن: WANG Xindi (جۇڭگو)
2 ورىن: ROTH Noe (شۆەيساريا)
3 ورىن: QI Guangpu (جۇڭگو)
ايەلدەر:
1 ورىن: PEEL Laura (اۆستراليا)
2 ورىن: XU Mengtao (جۇڭگو)
3 ورىن: SCOTT Danielle (اۆستراليا)
Ayana ZHOLDAS – 9-ورىن الىپ، العاشقى فينالعا ءوتتى، ءبىراق، وكىنىشكە قاراي، تۋرنيرلىك كەستەدە الدىڭعى قاتارعا شىعا المادى. ەرلەر باعىت بويىنشا جارىستاردا فينالعا شىعا المادى.
پوگوسيان رومان زانيال - 26 ورىن
حاشيربايەۆ شەرزود - 27 ورىن
ۋمۋرزاكوۆ ۋلانباكير - 28 ورىن
دينمۋحاممەد رايىمكۋلوۆ - 32 ورىن
الەم كۋبوگىنىڭ فينالدىق كەزەڭدەرى ليۆينودا (يتاليا) 11-13 ناۋرىز ارالىعىندا وتەدى.
جارىسقا الەمنىڭ 18-دەن استام ەلىنىڭ مىقتى دەگەن سپورتشىلارى قاتىستى، وليمپيادا ويىندارىنىڭ، الەم چەمپيوناتتارىنىڭ قاتىسۋشىلارى مەن جەڭىمپازدارى، وتكەن كەزەڭدەردىڭ جەڭىمپازدارى كەلدى، جالپى قاتىسۋشىلار سانى - 100-دەن استى.
سپورتشىلار دا، FIS وكىلدەرى دە تراسسالاردىڭ دايىندىعى مەن جارىستى ۇيىمداستىرۋدىڭ جوعارى دەڭگەيىن اتاپ ءوتتى.
جارىستى ۇيىمداستىرۋشىلار 2025 جىلى 6 الەم كۋبوگى كەزەڭدەرىن، الەم چەمپيوناتىن، يۋنيورلار اراسىندا الەم چەمپيوناتىن، سونداي-اق، وسى جىلدان باستاپ وتكىزىپ جاتقان ازيا كۋبوگىن وتكىزەمىز دەپ ويلاعان دا جوق ەدى دەيدى.
"مۇنداي ماسشتابتاعى جارىستى وتكىزۋ ەلىمىزدەگى ءتۋريزمنىڭ دامۋىنا وڭ اسەرىن تيگىزەدى، قالامىز بەن كۋرورتىمىز بۇكىل الەمنىڭ تۋريستتەرىن وزىنە تارتا تۇسەدى. سونىمەن قاتار سپورتتىق تۋريزم دە دامىپ جاتىر، بىزگە جاتتىعۋ جيىندارىن وتكىزۋ ءۇشىن تاياۋ جانە الىس شەتەلدەردەن كوماندالار كەلە باستادى. سپورتشىلار اراسىنداعى سارافاندى راديونىڭ ارقاسىندا كانادالىق رايدەرلەر تۇسىرگەن فريرايد جايلى «Tien Shan Dream» دەرەكتى ءفيلمى سياقتى ءبىزدىڭ ەلىمىز بەن تاۋلارىمىز تۋرالى فيلم تۇسىرۋگە كەلىپ جاتىر.
ءبىزدىڭ ماقساتتارىمىزدىڭ ءبىرى - جاستار اراسىندا قىسقى سپورت تۇرلەرىن تاراتۋ. ءبىز تەك فويستايل، تاۋ شاڭعىسىن عانا ەمەس، سنوۋبورد، فريسكي جانە باسقا دا سپورت تۇرلەرىن دامىتا بەرگىمىز كەلەدى. ول ءۇشىن كۋرورتتاعى سپورتتىق قىزمەتتى دامىتىپ، كلۋب مەن كۋرورتتىڭ ينفراقۇرىلىمىن دامىتا وتىرىپ جاعداي جاسايمىز.
الەم كۋبوكتارى مەن چەمپيوناتتارىن وتكىزۋ - قازاقستانداعى شاڭعى سپورتىنىڭ دامۋىنا ۇلكەن قادام، سونداي-اق ءوزىمىزدى حالىقارالىق جارىستار وتكىزەتىن مىقتى الاڭ رەتىندە تانىتۋ.
حالىقارالىق جارىستار سپورتشىلاردى عانا دامىتپايدى. ءبىزدىڭ ەلدە ءقازىر فريستايل بويىنشا ءۇش حالىقارالىق تورەشى بار، ولار الەم كۋبوكتارىندا، ەۋروپا كۋبوكتارىندا، الەم چەمپيوناتتارىندا جۇمىس ىستەپ ءجۇر. “شىمبۇلاق” كۋرورتىنىڭ وپەراسيالىق ديرەكتورى الەكساندر رۋدەنكو جاقىندا فريستايلدان فيس تەحنيكالىق دەلەگاتىنىڭ ليسەنزياسىن الدى"، - دەيدى ۇيىمداستىرۋشىلار.
انىقتاما:
2019 جىلدان بەرى FIS الەم كۋبوگى كەزەڭدەرى الماتىدا، ورتالىق ازيانىڭ ۇزدىك تاۋ كۋرورتتارىنىڭ ءبىرى - شىمبۇلاقتا ءوتىپ كەلەدى. جارىستى وتكىزۋ ءۇشىن تراسسالار FIS حالىقارالىق ستاندارتتارىنا ساي جاسالعان.
2018/19 ماۋسىمدا الماتىدا العاش رەت موگۋل بويىنشا فريستايلدان الەم كۋبوگىنىڭ كەزەڭى ءوتتى. جارىسقا 12 ەلدىڭ ۇزدىك سپورتشىلارى قاتىستى. قازاقستاندىق كوماندانىڭ كوشباسشىسى يۋليا گالىشيەۆا ءوز الاڭىندا التىن مەدال جەڭىپ الدى.
2019/2020 ماۋسىمدا الماتىدا تاعى دا پاراللەل موگۋل ("شىمبۇلاق" تك) بويىنشا فريستايلكەزەڭدەرى جانە شاڭعى اكروباتيكاسى بويىنشا("وي قاراعاي" تك) فريستايلدان FIS الەم كۋبوگىنىڭ ءبىرىنشى كەزەڭى ءوتتى. رەيحەرد دميتريي "پاراللەل موگۋل" بويىنشا 4ء-شى ورىنعا يە بولدى. الدابەرگەنوۆا جانبوتا "شاڭعى اكروباتيكاسى" بويىنشا 3-ورىن الدى.
2020/2021 جىلى الماتىدا FIS الەم چەمپيوناتى جانە "پاراللەل موگۋل" جانە "شاڭعى اكروباتيكاسى" بويىنشا فريستايلدان الەم كۋبوگىنىڭ كەزەڭدەرى ۇيىمداستىرىلدى. قازاقستاندىق سپورتشىلاردىڭ FIS الەم چەمپيوناتىندا ونەر كورسەتۋى: گورودكو اناستاسيا "پاراللەل موگۋل" بويىنشا 3-ورىن، يۋليا گالىشيەۆا "موگۋل" بويىنشا 2-ورىن، پاۆەل كولماكوۆ "موگۋل" بويىنشا 3-ورىن الدى.
2022/2023 ماۋسىمدا الماتى قالاسىندا ءتورتىنشى رەت الەم كۋبوگىنىڭ فينالدىق كەزەڭدەرى ءوتتى. ماۋسىمنىڭ سوڭعى جارىسىندا حرۋستال گلوبۋستار بەرىلەدى، ولاردى ءوز باعىتىندا ەڭ كوپ ۇپاي جيناعان سپورتشىلار الادى.
فينالدىق كەزەڭدەردە پاۆەل كولماكوۆ "موگۋل" بويىنشا 2-ورىن الدى.
2023/2024 ماۋسىمدا قازاقستاندا شاڭعى اكروباتيكاسى جانە موگۋل بويىنشا جارىستار قايتا ءوتتى. "پاراللەل موگۋل" بويىنشا پاۆەل كولماكوۆ جارىستىڭ فينالىنا ءوتىپ، كۇمىس مەدال جەڭىپ الدى. وسىلايشا ول الەم كۋبوگىندا بىرنەشە رەت جۇلدەلى ورىندارعا يە بولا وتىرىپ، ەڭ مىقتى سپورتشى اتاعىن راستادى.
2025 جىلدىڭ قاڭتارىندا جاڭا جىلدىق مەرەكەلەردىڭ قىزىپ تۇرعان كەزەڭىندە شىمبۇلاق تاۋ كۋرورتىندا العاش رەت FIS جاسوسپىرىمدەر اراسىنداعى ءالەم چەمپيوناتى ءوتتى. قازاقستاندىق سپورتشىلار دايىندىقتىڭ جوعارى دەڭگەيىن كورسەتتى جانە ولاردىڭ كوپشىلىگى ءۇشىن جارىس حالىقارالىق ارەناداعى العاشقى ءىرى ستارت بولدى. ادەتتە بۇل دەڭگەيدەگى ستارتتار اقپان – ناۋرىز ايلارىنىڭ سوڭىندا وتەدى، ءبىراق كۋرورت كومانداسى چەمپيوناتتى ءتىپتى ەڭ قىزۋ ماۋسىمدا جانە قاربالاس جاعدايدا دا ۇيىمداستىرىپ، وتكىزە الدى.
· اناستاسيا گورودكو موگۋل بويىنشا FIS جاسوسپىرىمدەر اراسىنداعى فريستايلدان ءالەم چەمپيوناتىنىڭ كۇمىس مەدالىن جانە پاراللەل موگۋل بويىنشا التىن مەدالىن جەڭىپ الدى.
· "كوماندالىق پاراللەل موگۋل" باعىتىندا قازاقستان قۇراماسى ەكىنشى ورىنعا يە بولدى. فەكليستوۆا يۋليا مەن راسترۋبا دەنيس جۇبى كوماندالىق 2-ورىنعا يە بولدى.
· دىنمۇحاممەد رايىمقۇلوۆ قازاقستانعا "شاڭعى اكروباتيكاسى" بويىنشا فريستايلدان ەكىنشى التىن مەدال الىپ كەلدى. فينالدىق ارەكەتتە رايىمقۇلوۆ 104.52 بالل جينادى، بۇل قازاقستانعا وسى باعىت بويىنشا جاسوسپىرىمدەر اراسىنداعى الەم چەمپيوناتىندا العاشقى جەڭىستى سىيلادى.
2024/2025 ماۋسىمدا FIS الەم كۋبوگى كەزەڭدەرىنىڭ ءمانى زور، سەبەبى وندا ميلان-كورتينادا وتەتىن وليمپيادا ويىندارىنا سپورتشىلار ىرىكتەلەدى. بۇل - ءبىزدى تارتىستى سايىس كۇتىپ تۇر دەگەن ءسوز، سەبەبى سپورتشىلار تەك FIS ۇپايلارى ءۇشىن عانا ەمەس، 2025/2026 جىلعى قىسقى وليمپياداعا قاتىسۋ مۇمكىندىگىن الۋ ءۇشىن ىرىكتەۋ ۇپايلارىن الۋ ءۇشىن دە جارىسقا تۇسەدى.