رەسپۋبليكا كۇنى – ەلىمىزدىڭ تاريحىندا ماڭىزدى ورىن الاتىن ەرەكشە مەرەكە. بۇل كۇن تاۋەلسىزدىگىمىزدىڭ باستاۋى رەتىندە ۇلكەن مانگە يە. سوندىقتان ۇلتتىق مەرەكەلەردى بالاباقشادان باستاپ، بالالاردىڭ ساناسىنا ويىن مەن تاربيەنىڭ نەگىزىندە ەلگە دەگەن قۇرمەت پەن سۇيىسپەنشىلىكتى ءسىڭىرۋ ماڭىزدى.
پاتريوتتىق تاربيە مەكتەپكە دەيىنگى جاستان باستاپ قالىپتاسادى. ءار مەكتەپ جاسىنا دەيىنگى بالا ءوزىنىڭ تۋعان جەرىن ءسۇيۋدى، قۇرمەتتەۋدى، باعالاۋدى جانە وتانىن قورعاۋدى ۇيرەنەدى. تاربيەشىلەر سابيلەرگە «مەنىڭ ەلىم»، «مەنىڭ جەرىم» دەگەن ۇعىمداردى ويىن ارقىلى ۇيرەتىپ، پاتريوتتىق سەزىمدى نىعايتۋعا اتسالىسادى.
بالاباقشادا مەكتەپ جاسىنا دەيىنگى بالالارعا رەسپۋبليكا كۇنى – ەلدىڭ مەملەكەت قۇرۋ جولىنداعى تاريحي قادامىنىڭ سيمۆولى ەكەنىن ءتۇسىندىرۋ ءۇشىن ءتۇرلى ەرتەڭگىلىكتەر مەن ويىن تۇرىندەگى ءىس-شارالار وتكىزىلەدى.
«25 قازان – رەسپۋبليكا كۇنى» مەرەكەسىنە وراي بالاباقشامىزدا مەرەكەلىك ءىس-شارالار ۇيىمداستىرىلدى. مەرەكەلىك ءىس-شارانىڭ باستى ماقساتى – بالالارعا اعا بۋىننىڭ ەرلىك ىستەرىن ۇلگى ەتە وتىرىپ، وتانعا، ەلگە دەگەن پاتريوتتىق سەزىمدەردى وياتۋ، تاۋەلسىزدىكتى ساقتاۋ جانە وتاندى قورعاۋعا دەگەن جاۋاپكەرشىلىك سەزىمىن قالىپتاستىرۋ، بولاشاققا دەگەن سەنىمدەرىن نىعايتۋ جانە سانالى، ءبىلىمدى ازامات ەتىپ تاربيەلەۋ.
سالتاناتتى شارا مەملەكەتتىك انۇرانمەن باستالىپ، ءىس-شارا بارىسىندا تاربيەلەنۋشىلەر ءوز ونەرلەرىن كورسەتتى. ءان ايتىپ، بي بيلەپ، ءتۇرلى اسپاپتاردا ويناعان بۇلدىرشىندەر مەرەكەنىڭ كوركىن كىرگىزدى.
مەملەكەتتىڭ ەڭ باستى بايلىعى – وسكەلەڭ ۇرپاق. ءبىز ەلىمىزدىڭ تاۋەلسىزدىك جىلدارىنداعى جەتىستىكتەرى مەن تاريحىن ماقتان تۇتامىز. بالاباقشامىزدا ءبىر ءۇيدىڭ بالاسىنداي ۇيىسىپ، ۇلتتىق مەرەكەنى اتاپ ءوتۋ – ەرەكشە قۋانىش. قازاقستان رەسپۋبليكاسىنىڭ رەسپۋبليكا كۇنى – ءبىزدىڭ جالپىۇلتتىق مەرەكەمىز. ەلىمىزدىڭ دامۋى، تولاعاي تابىستارعا جەتۋى – حالقىمىزدىڭ ىنتىماعى مەن بىرلىگىنىڭ جەمىسى. جىل وتكەن سايىن قازاقستان ءوزىنىڭ ۇلتتىق داستۇرلەرىن زاماناۋي دامۋىمەن ۇشتاستىرىپ، مىقتى مەملەكەتكە اينالىپ كەلەدى. ۇلتتىق مەرەكەمىز قۇتتى بولسىن!