"ءقاۋىپتى جۇرگىزۋشى" جەدەل-پروفيلاكتيكالىق ءىس-شاراسى اياسىندا پاترۋلدىك پوليسيانىڭ مامانداندىرىلعان باتالونى قىزمەتكەرلەرى 36 جاستاعى ەر ادامنىڭ باسقارۋىنداعى اۆتوكولىكتى توقتاتتى.
تەكسەرىس بارىسىندا جۇرگىزۋشىنىڭ ساقتاندىرۋ ءپوليسى جوق ەكەنى بەلگىلى بولدى، - دەپ حابارلايدى Aqshamnews.kz.
سونىمەن قاتار ونىڭ مىنەز-قۇلقى ينسپەكتورلار دا كۇمان تۋدىردى، سوندىقتان ول مەديسينالىق ساراپتاماعا جىبەرىلدى. مەديسينالىق قورىتىندىعا سايكەس، ەر ادامنىڭ ەسىرتكىلىك ماس كۇيىندە بولعانى انىقتالدى. جۇرگىزۋشىگە قاتىستى اكىمشىلىك ءىس-قۇجاتتار تولتىرىلىپ، سوتقا جولداندى. اۆتوكولىك ارنايى ايىپتۇراعىنا قويىلىپ، جۇرگىزۋشى كولىك باسقارۋ قۇقىعىنان شەتتەتىلدى.
– ماس كۇيدە كولىك جۇرگىزۋ – جول قاۋىپسىزدىگىنە تونەتىن ەڭ اۋىر قاتەردىڭ ءبىرى. مۇنداي ءاربىر جۇرگىزۋشى اينالاسىنداعىلاردىڭ ءومىرى مەن دەنساۋلىعىنا ناقتى ءقاۋىپ توندىرەدى. ءبىزدىڭ قىزمەتكەرلەر كۇن سايىن كولىكتى ماس كۇيىندە باسقارۋ دەرەكتەرىن انىقتايدى جانە ءار جاعدايدا دا قاتاڭ شارا قولدانادى. "ءقاۋىپتى جۇرگىزۋشى" سەكىلدى پروفيلاكتيكالىق ءىس-شارالار – قايعىلى وقيعالاردىڭ الدىن الۋعا باعىتتالعان. بارلىق جۇرگىزۋشىلەردى جاۋاپكەرشىلىك تانىتۋعا شاقىرامىز. ويتكەنى رولگە ماس كۇيىندە وتىرعان ادام تەك ءوز ءومىرىن عانا ەمەس، وزگەلەردىڭ دە ءومىرىن قاتەرگە تىگەدى، – دەپ اتاپ ءوتتى الماتى قالاسى پوليسيا دەپارتامەنتىنىڭ اكىمشىلىك پوليسيا باسقارماسىنىڭ باستىعى سەرىك شۋمايەۆ.