الماتىدا ەسىرتكى زەرتحاناسى جويىلدى

قىلمىستىق ارەكەتتى 33 جاستاعى س. ەسىمدى ازامات جاساعان.

ونىڭ Mercedes اۆتوكولىگىن پوليسيا قىزمەتكەرلەرى دوستىق داڭعىلى مەن وماروۆا كوشەسىنىڭ قيىلىسىندا توقتاتتى. س. ەسىمدى ازاماتتى جەكە ءتىنتۋ جانە اۆتوكولىكتى ءتىنتۋ كەزىندە ىشىندە زاتى بار يزولەنتاعا ورالعان 85 بۋما تابىلدى جانە تاركىلەندى، دەپ حابارلايدى Almaty-akshamy.kz Polisia.kz-كە سىلتەمە جاساپ. 

ۇستالعان ازامات ولاردى الماتى قالاسى مەن الماتى وبلىسىنا ودان ءارى تاراتۋ ءۇشىن ساقتاپ قويعان. تاركىلەنگەن زاتتار – مەفەدرون جانە ماريحۋانا ەسىرتكىسى.

انىقتالعانداي، كۇدىكتى سينتەتيكالىق ءشوپتى ءوزى جاساعان. وسى ماقساتتا ول الماتى وبلىسى تۇزدىباستاۋ اۋىلىندا جەكە تۇرعىن ءۇيدى جالعا العان.

رۇقسات ەتىلگەن ءتىنتۋ كەزىندە جالعا الىنعان تۇرعىن ۇيدەن زەرتحانالىق جابدىقتار، شىنى توستاعاندار مەن كريستالدى زاتتار سالىنعان مەتالل قاڭىلتىرلار، كانيستردەگى ءارتۇرلى سۇيىق جانە ۇنتاق حيميالىق زاتتار، ۇنتاق زاتتار سالىنعان پوليەتيلەن بايلامدار، ەلەكتروندى تارازىلار، ماگنيتتىك ارالاستىرعىش جانە 300 قاپشىق تابىلدى جانە تاركىلەندى. ساراپتاما قورىتىندىسىنا سايكەس، تاركىلەنگەن مەفەدروننىڭ جالپى سالماعى 15 كەلى 200 گرامدى قۇرادى. جاۋاپ الۋ كەزىندە “ءوندىرۋشى” لابورانت پەن كۋرەر جۇمىسى ءۇشىن جاقسى جالاقى العانىن ايتتى. جۇمىس بەرۋشى زەرتحانا ءۇشىن باسپانانى دا جالعا الىپ بەرگەن. اتالعان دەرەك بويىنشا مەدەۋ اۋداندىق پوليسيا باسقارماسى سوتقا دەيىنگى تەرگەۋ امالدارىن جۇرگىزىپ جاتىر. قىلمىستىق ءىس ق ر قك-نىڭ 297-بابى 3-بولىگى بويىنشا تىركەلدى. كۇدىكتى قاماۋعا الىندى.