گولوۆكيننىڭ كەلەسى كەزدەسۋى قازاقستاندا وتەدى

ناۋرىز ايىندا وتەتىن بۇل  كەزدەسۋ گولوۆكيننىڭ مانسابىنداعى سوڭعى جەكپە-جەك بولۋى مۇمكىن.

WBA Super، IBF جانە IBO نۇسقالارى بويىنشا ورتا سالماقتاعى الەم چەمپيونى قازاقستاندىق گەنناديي گولوۆكين كەلەسى جەكپە-جەگىن قازاقستاندا وتكىزۋى مۇمكىن، دەپ حابارلايدى Almaty-akshamy.kz Elorda.info سايتىنا سىلتەمە جاساپ. 

«WBA Super، IBF جانە IBO نۇسقالارى بويىنشا ورتا سالماقتاعى الەم چەمپيونى قازاقستاندىق گەنناديي گولوۆكين برازيليالىق ەسكيۆا فالكاومەن جەكپە-جەك وتكىزەدى. بۇل تۋرالى برازيليالىق جۋرناليست ۋيلسون بالديني حابارلادى. «GGG فالكاو ەسكيۆتى قابىلدايدى. جەكپە-جەك قازاقستاندا وتەدى. الەم چەمپيونىنىڭ كومانداسى DAZN Boxing جانە DAZN Brasil كومپانيالارىمەن كەلىسسوزدەر جۇرگىزۋدە. جەكپە-جەك ناۋرىز ايىندا وتەدى»، – دەپ جازدى ءتىلشى ءوز تۆيتتەرىندە.

ەسكيۆا فالكاو WBA جانە IBF تۇجىرىمى بويىنشا مىندەتتى ۇمىتكەر بولىپ سانالادى. Sports.kz پورتالىنىڭ حابارلاۋىنشا، بۇل گولوۆكيننىڭ مانسابىنداعى سوڭعى جەكپە-جەك بولۋى مۇمكىن. گولوۆكين-فالكاو جەكپە-جەگىنىڭ جەڭىمپازى ورتا سالماقتاعى WBA چەمپيونى، كۋبالىق ەريسلاندي لارامەن كەزدەسەدى دەپ كۇتىلۋدە.