پوليسيا ودان 15 سينتەتيكالىق ەسىرتكى تۇيىنشەگىن تاركىلەدى.
الماتى قالاسىندا پسيحوتروپتىق زاتتاردى وتكىزۋمەن اينالىسقان تۇرعىن 10 جىلعا سوتتالدى، دەپ حابارلايدى aqshamnews.kz المالى اۋداندىق پروكۋراتۋراسىنا سىلتەمە جاساپ.
قىلمىستىق ءىستى الماتى قالاسىنىڭ مامانداندىرىلعان اۋدانارالىق قىلمىستىق سوتى قارادى.
"2000 جىلى تۋعان تۇرعىن 10 جىلعا باس بوستاندىعىنان ايىرىلدى. ول ينتەرنەت ارقىلى بەيتانىس ادامنىڭ تاپسىرماسىمەن بيىلعى ناۋرىز ايىنان باستاپ المالى اۋدانىنىڭ اۋماعىندا ەسىرتكى زاتتارىن قويىپ كەتۋمەن اينالىسقان. ول ءۇشىن سىياقى الىپ وتىرعان"، - دەيدى ۆەدومستۆو.
پوليسيا ودان 15 سينتەتيكالىق ەسىرتكى تۇيىنشەگى تاركىلەدى.
"بيىل 147 ەسىرتكى قىلمىسكەرى، ونىڭ ىشىندە 88 وتكىزۋشى قىلمىستىق جاۋاپكەرشىلىككە تارتىلدى. قالا اۋماعىندا زاڭسىز اينالىمنان 369،9 كگ ەسىرتكى زاتتارى الىنىپ، جويىلدى"، - دەيدى پروكۋراتۋرا.