الماتى قالالىق پد ەسىرتكى قىلمىسىنا قارسى كۇرەس باسقارماسىنان ءمالىم ەتكەندەي، بىلتىر قىركۇيەك ايىندا ءتارتىپ ساقشىلارى ويىن-ساۋىق مەكەمەسىنىڭ اۋماعىندا سينتەتيكالىق ەسىرتكى ساتىپ جۇرگەن 27 جاستاعى جىگىتتى ۇستاعان، دەپ حابارلايدى Almaty-akshamy.kz.
«1996 جىلى تۋعان ر. ەسىمدى ازامات تۇنگى كلۋبقا كەلۋشىنىڭ اتىن جامىلىپ، ەسىرتكى تاراتۋمەن اينالىسقان. ۇستالعان كەزدە، ونى ءتىنتۋ بارىسىندا قۇرامىندا سينتەتيكالىق زاتى بار، اشىق ءتۇستى، ۇنتاق تۇرىندەگى بايلام تابىلدى. ءشوپ تاركىلەنىپ، سوت-حيميالىق ساراپتاماعا جىبەرىلدى. سوتقا دەيىنگى تەرگەۋ ق ر قك-نىڭ 297-بابى بويىنشا تىركەلدى»، - دەپ اتاپ ءوتتى الماتى قالالىق پد ەسىرتكى قىلمىسىنا قارسى كۇرەس باسقارماسىنان.
پوليسيادان اتاپ وتكەندەي، سوت ۇكىمىمەن 28 جاستاعى ر. ەسىمدى ازامات ق ر قك-نىڭ 297-بابى 3-بولىگىنىڭ 6-تارماعىندا كوزدەلگەن قىلمىستى جاساعانى ءۇشىن كىنالى دەپ تانىلىپ، 10 جىلعا باس بوستاندىعىنان ايىرىلدى.